ఏపీలో ఏరోసిటీ!
Ramakrishna

ఏపీలో ఏరోసిటీ!

23-10-2017

ఏపీలో ఏరోసిటీ!

నవ్యాంధ్రలో ఏరోసిటీ ఏర్పాటు కానుంది. ఏరోసిటీ దశలవారీగా 5.5 బిలియన్‌ డాలర్ల పెట్టుబడితో యుఏఈలోని మహ్మద్‌ అబ్దుల్‌ రహమాదన్‌ మహ్మద్‌ అల్‌జురానీకి చెందిన ఏవియేషన్‌ సిటీ ఎల్‌.ఎల్‌.పీ ముందుకొచ్చింది. ఈ మేరకు ఆంధ్రప్రదేశ్‌ ప్రభుత్వ పక్షాన ఏపీ ఆర్థికాభివృద్ధి మండలికి, ఏవియేషన్‌ సిటీ ఎల్‌ఎల్‌పీ మధ్య ముఖ్యమంత్రి చంద్రబాబు నాయుడు సమక్షంలో అవగహన ఒప్పందం కుదిరింది. ఏరో సిటీ పూర్తయితే 15 వేల మందికి ప్రత్యక్షంగా, 5 వేల మందికి పరోక్షంగా ఉద్యోగ, ఉపాధి అవకాశాలు లభిస్తాయి. ఏవియేషన్‌ సిటీ నిర్మించే ఏరోసిటీ నిర్మాణంలో అత్యంత అధునాతన పరిజ్ఞానాన్ని ఉపయోగిస్తారు. దేశ విదేశాల నుంచి విజ్ఞానాన్ని తీసుకురావడం తమ ప్రాధాన్యమని ఈ సందర్భంగా ముఖ్యమంత్రి చెప్పారు. భవిష్యత్‌ను దృష్టిలో ఉంచుకుని రూపొందిస్తున్న ఈ ప్రాజెక్ట్‌ అన్నారు. దీన్ని ఎక్కడ స్థాపించాలన్నది ఇంకా నిర్ణయించలేదని, ఏరోసిటీ నిర్మాణానికి 10 వేల ఎకరాలు అవసరం ఉంటుందన్నారు. ఈ సంస్థ బృందం నవంబరు మూడవ వారంలో అధ్యయనంకోసం మన రాష్ట్రానికి రానుందని, వచ్చే జనవరిలో దావోస్‌లో ప్రాథమిక నివేదిక అందజేస్తుందన్నారు.