హెచ్ఐసీసీని పరిశీలించిన నీతి ఆయోగ్ సీఈవో అమితాబ్ కాంత్
Telangana Tourism
Vasavi Group
Manjeera Monarch

హెచ్ఐసీసీని పరిశీలించిన నీతి ఆయోగ్ సీఈవో అమితాబ్ కాంత్

11-09-2017

హెచ్ఐసీసీని పరిశీలించిన నీతి ఆయోగ్ సీఈవో అమితాబ్ కాంత్

హైదరాబాద్‌లో నిర్వహించనున్న ప్రపంచ పారిశ్రామికవేత్తల సదస్సు (జీఈఎస్) ఏర్పాట్లను నీతి ఆయోగ్ సీఈవో అమితాబ్‌కాంత్ పరిశీలించారు. పనులు చురుకుగా సాగుతుండటంతో సంతృప్తి వ్యక్తంచేసినట్టు సమాచారం. మహిళలకు ప్రథమ ప్రాధాన్యం- అందరికీ సౌభాగ్యం అంశంపై అమెరికా-భారత్ సంయుక్తంగా నవంబర్ 28 నుంచి 30 వరకు హైదరాబాద్ ఇంటర్నేషనల్ కన్వెన్షన్ సెంటర్ (హెచ్‌ఐసీసీ)లో సదస్సు నిర్వహించాలని కేంద్రం నిర్ణయించింది.

సదస్సు బాధ్యతలను నీతి ఆయోగ్ చూసుకుంటుండగా, అమితాబ్‌కాంత్  హెచ్‌ఐసీసీ వేదికతోపాటు హైటెక్స్, ఫలక్‌నుమా ప్యాలెస్‌ను పరిశీలించారు. ఈ సందర్భంగా హైదరాబాద్‌లోని ప్రముఖ స్థలాల ప్రత్యేకతలను రాష్ట్ర ప్రభుత్వ ప్రధాన కార్యదర్శి ఎస్పీ సింగ్, ఐటీ, పరిశ్రమలశాఖ ముఖ్య కార్యదర్శి జయేశ్‌రంజన్.. సీఈవోకు వివరించారు. ప్రభుత్వపరంగా సహకరిస్తామని తెలిపారు. త్వరలో అమెరికా ప్రతినిధి బృందం ఈ వేదికను పరిశీలించనున్నట్టు సమాచారం. సదస్సులో వందకుపైగా దేశాల నుంచి రెండువేల మందికి పైగా ప్రతినిధులు, ప్రధాని నరేంద్రమోదీ, అమెరికా అధ్యక్షుడు డొనాల్డ్ ట్రంప్ కుమార్తె ఇవాంకా, వివిధ దేశాల మంత్రులు పాల్గొననున్నారు.