మా అమ్మా నాన్నలది స్వచ్ఛమైన ప్రేమ.. ఎలాంటి శక్తులు వాళ్ళను విడదీయలేవు : ఆకాష్ పూరీ

మా అమ్మా నాన్నలది స్వచ్ఛమైన ప్రేమ.. ఎలాంటి శక్తులు వాళ్ళను విడదీయలేవు : ఆకాష్ పూరీ

జ్యోతిలక్ష్మి సినిమాతో హీరోయిన్ చార్మిని స్టార్ హీరోయిన్‌ని చేద్దాం అనుకున్న స్టార్ డైరెక్టర్ పూరీ జగన్నాథ్.. తిరిగి ఆమెను పూరీ కనెక్స్ట్‌తో నిర్మాతగా మార్చేశారు. ఇప్పుడు ఈ ఇద్దరూ కలిసి సినిమాలు చేస్తున్నారు. పూరీ స్వీయ దర్శకత్వం వహిస్తుంటే.. పూరీ చిత్రాలకు నిర్మాణ బాధ్యతల్ని తీసుకుంది చార్మీ. స్టార్ డైరెక్టర్ పూరీ.. హీరోయిన్ చార్మీల రహస్య బంధం గురించి టాలీవుడ్‌లో రకరకాల రాతలు కనిపిస్తూనే ఉంటాయి. ఈ ఇద్దరూ కలిసి సినిమా చేయడం అంటుంచితే.. పూరీ కనెక్స్ట్ పేరుతో నిర్మాణ సంస్థను స్థాపించి.. వరుసగా సినిమాలు చేస్తున్నారు. ఒకప్పుడు పూరీ.. వైష్ణో అకాడమీ పేరుతో ప్రొడక్షన్ హౌస్‌ని స్థాపించి.. స్వీయ దర్శకత్వంలో ఇడియట్, అమ్మా నాన్న ఒక తమిళ అమ్మాయి వంటి బ్లాక్ బస్టర్ హిట్ చిత్రాలను నిర్మించారు.

ఆ తరువాత హీరోయిన్ చార్మీతో కనెక్ట్ అయ్యి.. వైష్ణో అకాడమీని ‘పూరి కనెక్ట్స్‌’గా మార్చి నటి ఛార్మి తో కలిసి సినిమాలు నిర్మిస్తున్నారు పూరి. పూరి కనెక్ట్స్‌తో చార్మీ నిర్మాతగా మారింది.. ఇప్పుడు ఈ ఇద్దరూ కలసి.. విజయ్ దేవరకొండతో ‘లైగర్’  సినిమాను నిర్మిస్తున్నారు. ఇదిలా ఉంటే.. పూరీ, చార్మీ ఈ ఇద్దరి రిలేషన్ గురించి రకరకాల రూమర్స్ వినిపిస్తూనే ఉంటాయి. వీళ్లిద్దరి సహజీవనం చేస్తున్నారనే పుకార్లు నేటికీ షికారు చేస్తూనే ఉంటాయి. ఆమధ్య పూరీ చార్మీ పెళ్లి చేసుకోబోతున్నారని.. దానిలో భాగంగా.. పూరీ భార్య లావణ్యకి విడాకులు ఇవ్వబోతున్నారంటూ పుకార్లు వినిపించాయి. చార్మీ ఇష్యూతో పూరీ జగన్నాథ్‌కి భార్యతో విభేదాలు ఏర్పడ్డాయని.. తన భర్తని వదిలేయాల్సిందిగా లావణ్య.. చార్మిని బెదిరించినట్టుగా, ఆకాష్ పూరీ  చార్మీని కొట్టి బయటకు పంపిచేసాడని కూడా వార్తలు వచ్చాయి. అయితే పూరీ, చార్మీలు మాత్రం ‘పూరీ కనెక్స్ట్’తో బిజీగా ఉండి వరుసగా సినిమాలు చేసుకుంటూ పోతున్నారు. పార్టీలు, ప్రైవేట్ ఈవెంట్, సినిమా ఈవెంట్లలలో కలిసే కనిపిస్తున్నారు.

ఇటీవల తన పేరెంట్స్ విడిపోతున్నారని.. విడాకులు తీసుకోబోతున్నారంటూ వస్తున్న పుకార్లపై రియాక్ట్ అయ్యారు పూరీ కొడుకు ఆకాష్ పూరీ. ఇతను నటించిన ‘చోర్ బజార్’  చిత్రం ఈనెల 24 థియేటర్స్‌లో విడుదల కానుంది. చిత్ర ప్రమోషన్స్‌లో పాల్గొన్న ఆకాష్ పూరీకి పూరీ విడాకుల గురించి ప్రశ్నలు తలెత్తడంతో వాటిపై రియాక్ట్ అయ్యారు. ఆకాష్ పూరీ మాట్లాడుతూ.. "నాన్న పరిస్థితి అస్సలు బాలేనప్పుడు.. ఆ విషయాలు మాకు తెలియకుండా అమ్మ ముందే జాగ్రత్తపడింది. మేం బాగా చిన్నపిల్లలగా ఉన్నప్పుడే హాస్టల్‌లో పెట్టేసింది. నేను మూడోతరగతి.. చెల్లి రెండో తరగతి చదువుతుంది. మేం అయితే ఇవేం తెలియకపోవడంతో చాలా హ్యాపీగా ఉన్నాం.. మా నాన్న పెద్ద డైరెక్టర్.. మేం హ్యాపీగా ఉన్నాం.. ఇదే ఫీలింగ్‌లో ఉన్నాం.. కానీ వాస్తవం వేరు.. కొన్నాళ్ల తరువాత మాకు పరిస్థితి అర్ధమైంది. అన్నీ మారిపోయాయి. మేం వేసుకునే బట్టల నుంచి తినే ఫుడ్.. ఉండే ఇల్లు అన్నీ మారిపోయాయి. కారు అమ్మేశారు.. ఇల్లు అమ్మేశారు.. ఆస్తులు మొత్తం పోయాయి. చాలా కష్టాలు చూశాం. మా నాన్న తిరిగి బౌన్స్ బ్యాక్ కావడం మాత్రం అద్భుతం.. అది ఎవరికీ సాధ్యం కానిది.. నాన్నకి మాత్రమే సాధ్యం అయ్యింది. నాన్న అలా పోగుట్టున్నవి సాధించారంటే.. మమ్మీ వల్లే. డాడీకి మంచి సపోర్ట్ ఇచ్చింది. నాన్నని.. నన్ను చెల్లిని అందర్నీ కాచింది. కాపాడింది. అమ్మనాన్న మధ్య గొడవలు అయ్యాయని.. విడాకులు తీసుకునే స్టేజ్ వచ్చేసిందని రూమర్స్ రావడం కూడా నాకు తెలియదు.

నిజం ఏంటంటే.. వాళ్ల మధ్య అలాంటి గొడవలు ఎప్పుడూ రాలేదు. విడాకులు తీసుకుంటున్నారని రాసేవాళ్లు రాస్తూ ఉంటారు.. వాళ్లకి అది టైం పాస్.. న్యూస్ క్రియేట్ చేయాలని అలా రాస్తుంటారు. ఒకవేళ అది నిజం అయ్యి ఉంటే.. ఇప్పటికీ వాళ్లు కలిసి ఉండేవారు కాదు కదా. అలాంటి వాళ్ళ కోసం  గురించి మీకో నిజం చెప్తాను.. అమ్మ, నాన్న లవ్‌లో ఉన్న స్టేజ్‌లో నాన్న అమ్మకి ఫోన్ చేసి మనం పెళ్లి చేసుకుందాం వచ్చేస్తావా? అని అడిగారట. అమ్మ వచ్చేస్తానని చెప్పింది. నా జేబులో రూ.200 వందలు మాత్రమే ఉన్నాయి.. రేపు ఏమౌతుందో తెలియదు.. నాపై నమ్మకం ఉంటే నాతో వచ్చెయ్ అని నాన్న అన్నారట. అమ్మ రెండో ఆలోచన లేకుండా నాన్న కోసం వచ్చేసింది. నాన్న నాతో ఇది చెప్పిన తరువాత ఇలాంటి అమ్మాయి ఉంటుందా. ఇంతలా ప్రేమించేవాళ్లు ఉంటారా? అనిపించింది. అంతలా లవ్ చేసిన అమ్మాయి ఎందుకు విడాకులు తీసుకోవాలని అనుకుంటుంది. వాళ్లది స్వచ్ఛమైన ప్రేమ ఎలాంటి శక్తులు వాళ్ళను విడదీయలేవు. ఆరోజు నాన్న విలువ రూ.200.. కానీ నమ్మకానికి వెలకట్టలేనిది. అదే నమ్మకం, ప్రేమ నాన్నపై అమ్మకి ఇప్పటికీ ఉంది. అమ్మ వీక్ పర్సన్ కాదు.. డాడీకి ఫ్యామిలీ టెన్షన్ లేకుండా చేస్తుంది.. అమ్మ ఉంటే డాడీకి రిలాక్స్ ఉంటుంది. షూటింగ్ నుంచి ఇంటికి వచ్చారంటే ఒత్తిడి లేకుండా చేస్తుంది. నాన్న అంత స్ట్రాంగ్‌గా ఉన్నారంటే అమ్మ వల్లే" అంటూ తన పేరెంట్స్ లవ్ బాండింగ్ గురించి అద్భుతంగా మాట్లాడాడు పూరీ కొడుకు ఆకాష్ పూరీ.

 

Tags :