తెలుగు జాతి ముద్దు బిడ్డ నందమూరి తారక రామరావు శత జయంతి వేడుకలు

తెలుగు జాతి ముద్దు బిడ్డ నందమూరి తారక రామరావు శత జయంతి వేడుకలు

తెలుగు జాతి ముద్దు బిడ్డ, విశ్వ విఖ్యాత నట సార్వభౌమ నటరత్న నందమూరి తారక రామరావు జయంతి మే 28న 1923 మే 28న జన్మించిన ఎన్టీర్ శత జయంతి వేడుకలు ప్రారంభం కానున్నాయి. ఎన్టీఆర్ శత జయంతి వేడుకలను ఆయన తనయుడు, అగ్ర కథానాయకుడు, హిందూపురం ఎమ్మెల్యే నందమూరి బాలకృష్ణ చేతుల మీదుగా ప్రారంభం కానున్నాయి. తెలుగు ప్రేక్షకుల, ప్రజల గుండెల్లో స్థిరస్థాయిగా నిలిచిపోయిన స్వ‌ర్గీయ నందమూరి తారక రామారావు సృష్టించుకున్న స్థానం ఈ విశ్వం వున్నంతకాలం నిలిచిపోతుంది.  తెలుగు భాషపై.. తెలుగు నేలపై ఆయన ముద్ర అజరామరం. అందుకే ఆయన తెలుగు ప్రజల ఆరాధ్య దైవం అయ్యారు. తెలుగువారి అభిమాన అన్నగారయ్యారు. సినిమా రంగమైనా.. రాజకీయ వేదిక అయినా.. అన్ని చోట్ల కోట్లాది మంది మనసులో నిలిచిపోయారు. ఎన్నేళ్లయినా.. ఎన్నాళ్లైనా ఆ మహానుభావుడు తెలుగు జాతిపై చేసిన సంతకం మరువలేనిది. ఈ ఏడాది మే 28 నుండి ఆయన శత జయంతి వేడుకలు ప్రారంభం కానున్నాయి. ఎన్టీఆర్ శత జయంతి వేడుకలను ఆయన తనయుడు, అగ్ర కథానాయకుడు, హిందూపురం ఎమ్మెల్యే నందమూరి బాలకృష్ణ చేతుల మీదుగా ప్రారంభం కానున్నాయి.

విశ్వవిఖ్యాత నటసార్వభౌమ స్వర్గీయ నందమూరి తారక రామారావు పుట్టిన ఊరు నిమ్మకూరులో ఈ వేడుకలు మే 28న ఉదయం బాలకృష్ణ గారి చేతుల మీదుగా అత్యంత ఘనంగా ప్రారంభం కానున్నాయి. అలాగే మధ్యాహ్నం గుంటూరు లోను, సాయంత్రం తెనాలిలోనూ ఎన్టీఆర్ శత జయంతి సందర్భంగా ఏడాది పొడవునా జరగనున్న కార్యక్రమాలను సైతం బాలకృష్ణ ఆధ్వర్యంలో ప్రారంభిస్తున్నట్లు తెలుస్తోంది. వీటికి సంబంధించిన ఏర్పాట్లు భారీగానే జరగనున్నాయి. ఈ వేడుకలకు అభిమానులు సైతం భారీగా హాజరు కాబోతున్నారు. స్వర్గీయ తారక రామారావు శత జయంతి వేడుకలకు సంబంధించిన మరిన్ని వివరాలు త్వరలోనే తెలియ‌నున్నాయి. సినీ రంగంలో కళామతల్లి ముద్దుబిడ్డగా ప్రవేశం చేసి అగ్ర కథానాయకుడిగా ఎదిగిన ఆయన తన ప్రయాణంలో ఎన్నో ఆటు పోట్లను ఎదుర్కొని ముందుకు సాగారు. అలాగే రాజకీయ రంగంలోనూ తెలుగు వారి ఆత్మ గౌరవం కోసం తెలుగు దేశం పార్టీని స్థాపించి ఎనిమిది నెలల్లోనే ముఖ్యమంత్రి పీఠం ఎక్కారు. ప్రజల కోసం ఎన్నో కొత్త ప్రభుత్వ పథకాలను ప్రవేశ పెట్టారు. తెలుగు జాతి గొప్పతనాన్ని విశ్వవ్యాప్తంగా చాటి చెప్పిన మహనీయుడు అయన.  

 

Tags :