శ్రీవారికి పట్టువస్త్రాలు సమర్పించిన ముఖ్యమంత్రి వైఎస్‌.జ‌గ‌న్‌మోహ‌న్‌రెడ్డి

శ్రీవారికి పట్టువస్త్రాలు సమర్పించిన ముఖ్యమంత్రి వైఎస్‌.జ‌గ‌న్‌మోహ‌న్‌రెడ్డి

"2022 శ్రీవారి సాలకట్ల బ్రహ్మోత్సవాలు"

శ్రీవారి సాల‌క‌ట్ల‌ బ్రహ్మోత్సవాలలో తొలిరోజైన మంగ‌ళ‌వారం రాత్రి రాష్ట్ర ముఖ్యమంత్రివర్యులు గౌ|| శ్రీ వైఎస్‌.జ‌గ‌న్‌మోహ‌న్‌రెడ్డి గారు రాష్ట్ర ప్రభుత్వం తరఫున శ్రీవేంకటేశ్వరస్వామివారికి పట్టువస్త్రాలు సమర్పించారు.

ముందుగా గౌ|| ముఖ్యమంత్రి గారు శ్రీ బేడి ఆంజనేయస్వామివారి ఆలయం వద్దకు చేరుకున్నారు. అక్కడినుంచి మంగళవాయిద్యాల నడుమ ఊరేగింపుగా శ్రీవారి ఆలయం వద్దకు చేరుకున్నారు. టిటిడి ధర్మకర్తల మండలి అధ్యక్షులు శ్రీ వైవి.సుబ్బారెడ్డి గారు, కార్యనిర్వహణాధికారి శ్రీ ఎవి.ధ‌ర్మారెడ్డి స్వాగతం పలికారు. ఆ తరువాత గౌ|| ముఖ్యమంత్రి గారు ధ్వజస్తంభానికి నమస్కరించుకుని శ్రీవారిని దర్శించుకున్నారు. వకుళామాత, విమాన వేంకటేశ్వరస్వామి, భాష్యకార్ల సన్నిధి, యోగ నరసింహస్వామివారిని దర్శించుకున్నారు. అనంతరం రంగనాయకుల మండపంలో వేదమంత్రోచ్ఛారణతో వేద పండితులు ఆశీర్వదించారు. శ్రీవారి తీర్థప్రసాదాలు, చిత్రపటాన్ని అందజేశారు.

ఈ కార్యక్రమంలో ఉపముఖ్యమంత్రి శ్రీ నారాయణ స్వామి గారు, మంత్రులు శ్రీ పెద్దిరెడ్డి రామచంద్రారెడ్డి గారు, శ్రీ సత్యనారాయణ, శ్రీ వేణుగోపాలకృష్ణ గారు, శ్రీమతి రోజా గారు, ఎంపిలు శీ మిథున్ రెడ్డి గారు, శ్రీ రెడ్డెప్ప గారు, తిరుప‌తి ఎమ్మెల్యే శ్రీ భూమ‌న క‌రుణాక‌ర‌రెడ్డి గారు, తిరుపతి ఎంపీ శ్రీ ఎం గురుమూర్తి గారు ప‌లువురు ధ‌ర్మ‌క‌ర్త‌ల మండ‌లి స‌భ్యులు, జెఈవో శ్రీ వీర‌బ్ర‌హ్మం, సివిఎస్వో శ్రీ న‌ర‌సింహ‌కిషోర్ తదితరులు పాల్గొన్నారు.

 

 

Tags :
ii). Please add in the header part of the home page.