రామ్ చరణ్ తరువాత ఎన్టీఆర్‌తో శంకర్ చిత్రం?..
శంకర్ ప్రస్తుతం రామ్ చరణ్‌తో ఓ సినిమా చేస్తోన్న సంగతి తెలిసిందే. ఈ ప్రాజెక్ట్ మీద భారీ స్థాయిలో అంచనాలున్నాయి. ఆ తరువాత శంకర్ మరో తెలుగు హీరోతోనే సినిమా తీస్తున్నాడనే ప్రచారం ఊపందుకుంది. ఎన్టీఆర్‌తో శంకర్ తదుపరి సినిమా చేయబోతోన్నాడంటూ రూమర్లు అందుకున్నాయి. శంకర్ తన కెరీర్‌లో మొదటి సారిగా తెలుగు హీరోతో పని చేస్తున్నాడు. కోలీవుడ్ ఎల్లలు దాటి టాలీవుడ్‌కు వచ్చాడు. టాలీవుడ్ హీరోతో శంకర్ పాన్ ఇండియన్ ప్రాజెక్ట్ చేస్తున్నాడు. అలా రామ్ చరణ్‌తో శంకర్ చేస్తోన్న సినిమా మీద భారీ అంచనాలు నెలకొన్నాయి. అయితే ఇప్పుడు మరొక కొత్త రూమర్ చక్కర్లు కొట్టేస్తోంది.
శంకర్ తదుపరి ప్రాజెక్ట్ మీద గాసిప్స్ రావడం మొదలయ్యాయి. అసలు శంకర్ తీయబోయే సినిమాల మీదే ఫుల్ కన్ఫ్యూజన్ ఉంది. రన్‌వీర్ సింగ్‌తో అపరిచితుడు అనౌన్స్ చేశాడు.. అయితే ఆ చిత్ర నిర్మాత శంకర్ మీద కేసు వేయడంతో అది కసుత ఆగింది. మరో వైపు ఇండియన్ 2 సినిమా వివాదం కూడా శంకర్ మెడకు చుట్టుకుంది. మొత్తానికి శంకర్ సినిమాల వివాదాల్లోనే చిక్కుకుంటూ హాట్ టాపిక్ అవుతున్నాయి. శంకర్, లైకా నిర్మాణ సంస్థ మధ్య ఉన్న గొడవల గురించి అందరికీ తెలిసిందే. ఇకపై లైకాతో శంకర్ సినిమా తీయబోడని ఆ మధ్య టాక్ వచ్చింది. అయితే ఇప్పుడు తాజాగా వినిపిస్తోన్న టాక్ ప్రకారం.. ఎన్టీఆర్‌తో శంకర్ ఓ సినిమా చేస్తున్నాడట.. అది కూడా లైకా బ్యానర్ మీదే తెరకెక్కిస్తాడట. దీంతో నెటిజన్లు సెటైర్లు వేస్తున్నారు. ఎన్టీఆర్ శంకర్ ప్రాజెక్ట్ ఉంటుందంటే నమ్మేట్టుగానే ఉంది.. కానీ అది లైకా నిర్మిస్తుందని అంటుంటే.. అక్కడే తేడా కొడుతోందంటూ కౌంటర్లు వేస్తున్నారు. మొత్తానికి శంకర్ తదుపరి ప్రాజెక్ట్ మీద ఎప్పుడు క్లారిటీ వస్తుందో చూడాలి. మరో వైపు ఎన్టీఆర్ కొరటాల శివ, బుచ్చిబాబు, ప్రశాంత్ నీల్ వంటి వారితో సినిమాలను కన్ఫామ్ చేసేశాడు.