వచ్చే ఎన్నికల్లో తనకు మద్దతివ్వకపోతే.. మరో పార్టీ నుంచి : ట్రంప్

వచ్చే అమెరికా అధ్యక్ష ఎన్నికల్లో తనకు మద్దతు ప్రకటించకపోతే మూడో పార్టీ అభ్యర్థిగా రంగంలోకి దిగుతానని రిపబ్లికన్‌ పార్టీకి అమెరికా మాజీ అధ్యక్షుడు డొనాల్డ్‌ ట్రంప్‌ సంకేతమిచ్చారు. ఈ మేరకు తన సోషల్‌ అకౌంట్‌లో ద కమింగ్‌ స్ల్పిట్‌ పేరిట రాసిన కథనంతో పేర్కొన్నారు. పార్టీ అభ్యర్థిగా తనకు మద్దతివ్వకపోతే తన దారి తాను చూసుకుంటానని అందులో హెచ్చరించినట్లు తెలిసింది. రిపబ్లికన్‌ పార్టీ నుంచి అధ్యక్ష అభ్యర్థి రేసులో ఫ్లోరిడా గవర్నర్‌ రాన్‌  డీసాంటిస్‌  ముందు వరుసలో ఉన్నారు.