నేనెప్పుడూ రాయలసీమకు వచ్చినా ఈ నేల తడుస్తుంది.. థ్యాంక్యూ వరుణా దేవా..'గాడ్ ఫాదర్' ప్రీ రిలీజ్ ఫంక్షన్ లో చిరంజీవి

నేనెప్పుడూ రాయలసీమకు వచ్చినా ఈ నేల తడుస్తుంది.. థ్యాంక్యూ వరుణా దేవా..'గాడ్ ఫాదర్' ప్రీ రిలీజ్ ఫంక్షన్ లో చిరంజీవి

గాడ్ ఫాదర్ మూవీ ప్రీ రిలీజ్ ఈవెంట్ ఈ రోజు (28 సెప్టెంబర్) అనంతపురంలో గ్రాండ్‌గా జరిగింది. ఈ వేడుకకు వర్షం రూపంలో అంతరాయం వచ్చినా.. మెగాస్టార్ చిరంజీవి వర్షంలో తడుస్తూ అద్బుతంగా మాట్లాడారు. మోహ‌న్ రాజా దర్శకత్వంలో తెరకెక్కిన ఈ మూవీలో బాలీవుడ్ స్టార్ హీరో సల్మాన్‌ ఖాన్, నయనతార, సత్యదేవ్, సునీల్, యాంకర్ అనసూయ, స్టార్ డైరెక్టర్ పూరి జగన్నాథ్‌ కీలక పాత్రలు పోషించారు. సూపర్ గుడ్ ఫిల్మ్స్, కొణిదెల ప్రొడక్షన్స్ సంయుక్తంగా ఈ మూవీని నిర్మిస్తున్నాయి. అక్టోబర్ 5న ఆడియన్స్ ముందుకు రానుండగా.. ఒక సెంటిమెంట్. నేను ఎప్పుడు రాయలసీమకు వచ్చినా ఆ నేల తడుస్తుంది. నాకు ఈ రోజు చాలా ఆశ్చర్యంగా ఉంది. నేను పులివెందులలో పొలికల్ క్యాంపెన్‌ చేసిన టైమ్‌లో.. ఇంద్ర సినిమాలో సాంగ్ చేసినప్పుడు వర్షం వచ్చింది. ఇవన్నీ ఆ భగవంతుడి ఆశీస్సులుగా భావిస్తున్నాను. థ్యాంక్యూ వరుణా దేవా..

ఈ రోజు ఉదయం ఓ విషదం చోటు చేసుకుంది. సూపర్ స్టార్ కృష్ణ గారి సతీమణి. సోదరుడు మహేష్ బాబు గారి మాతృమూర్తి ఇందిరా దేవి గారు కాలం చేశారు. ఆ కుటుంబం చాలా విషాదంలో ఉంది. కృష్ణ గారు, మహేష్ బాబుకు, ఆ కుటుంబ సభ్యులకు నా ప్రగాడ సానుభూతిని గాడ్ ఫాదర్ స్టేజ్ మీద నుంచి తెలియజేస్తున్నాను. ఆ మహాతల్లి ఆత్మకు శాంతి చేకూరాలని ప్రార్థిస్తున్నాను.

ఈ రాయలసీమలో వర్షాలు పడక నేల నెర్రులు చాస్తుంటే.. చిరంజీవి వస్తుంటే వర్షం వస్తుంది. ఈ సెంటిమెంట్ మళ్లీ పునరావృతం కావడం నేను గొప్ప విజయ సంకేతంగా భావిస్తున్నాను. ఇంత వర్షంలోనూ మీరు ఎవరు వెనక్కి తగ్గడం లేదు. మీ అభిమానానికి శిరస్సు వంచి నమస్కరిస్తున్నా. లూసిఫర్ మూవీ మలయళంలో రిలీజ్ అయినప్పుడు నేను చూశా. ఇది గాడ్ ఫాదర్‌గా మారడానికి ప్రధాన కారణం రామ్ చరణ్. డాడీ నన్ను ఓ సినిమా చేయాలని కోరాడు. ఈ సినిమా సెట్ అవుతుందన్నాడు. అలా గాడ్ ఫాదర్‌గా మారింది. ఈ మూవీ డైరెక్టర్‌ మోహన్ రాజా పేరు కూడా రామ్ చరణ్ సూచించాడు. మీరందరూ గర్వ పడేలా ఈ సినిమా మోహన్ రాజా తీశారు. లూసిఫర్ కథను మీ అందరికీ నచ్చేలా స్క్రీన్ ప్లే అద్భుతంగా తెరకెక్కించారు.

ఈ సినిమాలో సల్మాన్ ఖాన్ నటించేలా చేసే బాధ్యత రామ్ చరణ్ తీసుకున్నాడు. ఒక్క ఫోన్ కాల్ చేసి.. 'సల్లూ భాయ్.. డాడీతో పాటు మీరు ఓ క్యారెక్టర్ చేయాలి. మీరు మాత్రమే ఆ పాత్రకు న్యాయం చేయగలరు. డాడీ పక్కన ఓ దళపతిలాగా.. మహారాజా పక్కన సైన్యాధిపతిలా ఉండే క్యారెక్టర్..' అని సల్మాన్ ఖాన్‌తో మాట్లాడాడు. 'నేను చేస్తే బాగుంటుందని డాడీ అన్నారా..? రామ్ చెప్పు. చిరు గారు చెబితే నేను రెడీ టు జంప్ ద క్యారెక్టర్..' అని సల్మాన్ ఖాన్ అన్నారు. కథ, సినిమా చూడకుండా డైరెక్ట్‌గా షూటింగ్‌కు వచ్చారు. సల్మాన్‌కు చాలా థ్యాంక్స్. రామ్ చరణ్ తాను ఒక్కడినే ఈ సినిమాను చేయలేనని అన్నాడు. తనతో పాటు పెద్ద సంస్థ జాయిన్ అయితే ఈ సినిమా మరో లెవెల్‌కు వెళుతుందన్నాడు. సూపర్ గుడ్ ఫిల్మ్స్ ఎ‌న్‌వీ ప్రసాద్‌ను కలిపాం. ఈ సినిమాకు ఎంత ఖర్చు పెట్టారో తెలియదు. చాలా రీచ్‌గా సినిమా వచ్చింది. నయనతారకు గాడ్ ఫాదర్ మూవీ క్యారెక్టర్ చెప్పగానే ఒప్పుకున్నారు. ఆమె ఒప్పుకోవడమే సినిమా విజయానికి తొలి మెట్టు అయింది. ఆమె పాత్ర చాలా అద్భుతంగా ఉంది. ఈ పాత్ర పోషించడం ఓ ఛాలెంజ్. ఆ ఛాలెంజ్‌ను అద్భుతంగా పంచింది నయనతార.

ఈ మూవీలో మరో కీలక పాత్ర సత్యదేవ్. నన్ను ఎదురొడ్డి నిలిచే క్యారెక్టర్ ఇది. సత్యదేవ్ ఈ పాత్రకు న్యాయం చేస్తాడు. సినిమా రిలీజ్ అయిన తరువాత అతని గురించి మీరు చెప్తారు. అతనిలో మంచి యాక్టర్ ఉన్నాడని గుర్తించింది మొదట నేను. మనం చూస్తుండగానే అతను సూపర్ స్టార్‌గా ఎదగడం మీరందరూ చూస్తారు. మురళీశర్మ, రావు రమేష్, సునీల్, గెటప్ శ్రీను, బ్రహ్మాజీ చాలా మంచి క్యారెక్టర్లు చేశారు. ఈ మూవీలో ఓ యూట్యూబర్ పాత్రలో పూరీ జగన్నాథ్ నటించారు..' అంటూ చిరంజీవి చెప్పుకొచ్చారు. వర్షం పడుతున్నా.. లెక్క చేయకుండా ఆయన స్పీచ్‌తో ఆదరగొట్టారు.

 

Tags :
ii). Please add in the header part of the home page.