ఫస్ట్ డే ఫస్ట్ షో టికెట్స్ నేను ఫ్రీ గా పంపిస్తా.. నాకు ‘సమ్మతమే’ అన్నకిరణ్ అబ్బవరం నిర్మాత సమ్మతిస్తాడా?

ఫస్ట్ డే ఫస్ట్ షో టికెట్స్ నేను ఫ్రీ గా పంపిస్తా.. నాకు ‘సమ్మతమే’ అన్నకిరణ్ అబ్బవరం నిర్మాత సమ్మతిస్తాడా?

యంగ్ అండ్ ఎనర్జిటిక్ హీరో కిరణ్ అబ్బవరం, చాందిని చౌదరి హీరో హీరోయిన్లుగా నటించిన రొమాంటిక్ ఎంటర్ టైనర్ మూవీ ‘సమ్మతమే’. పాజిటివ్ బజ్‌తో ఈ చిత్రం జూన్ 24న థియేటర్స్‌లో విడుదల కానుంది. యంగ్ అండ్ ఎనర్జిటిక్ హీరో కిరణ్ అబ్బవరం. రాజావారు రాణివారు, ఎస్ఆర్ కళ్యాణ మండపం, సెబాస్టియన్ వరుస చిత్రాలతో ఊపు మీద ఉన్న కిరణ్ అబ్బవరం నటించిన తాజా చిత్రం ‘సమ్మతమే’ . మ్యూజికల్ రొమాంటిక్ ఎంటర్‌టైనర్‌గా రూపొందిన ఈ చిత్రానికి గోపీనాథ్ రెడ్డి దర్శకత్వం వహించారు. తెలుగు నటి చాందిని చౌదరి కథానాయికగా నటిస్తోంది. యూజీ ప్రొడక్షన్స్ బ్యానర్‌పై కంకణాల ప్రవీణ నిర్మించిన ఈ చిత్రం రేపు (జూన్ 24)న ప్రపంచవ్యాప్తంగా విడుదల కానుంది. ‘సమ్మతమే’ టైటిల్‌తోనే గుడ్ ఇంప్రెషన్ రాబట్టిన చిత్ర యూనిట్.. టీజర్, ట్రైలర్‌లతో అంచనాలను పెంచేశారు. పాజిటివ్ బజ్‌తో రేపు థియేటర్స్‌లో విడుదల కాబోతున్న ఈ చిత్రాన్ని ప్రేక్షకులందరికీ చేరువ చేసే ప్రయత్నంలో భాగంగా.. బంపరాఫర్ ప్రకటించారు కిరణ్ అబ్బవరం. తన సినిమాకి తానే ఫ్రీగా టికెట్స్ ప్రకటిస్తూ వీడియో విడుదల చేశారు.

‘సమ్మతమే’ సినిమా పట్ల మంచి ఆదరణ చూపిస్తున్నారు.. ప్రమోషన్స్‌లో భాగంగా జనంలోకి వెళ్లినప్పుడు నాపై ప్రేమ చూపించారు. నాకు మీరంతా ‘సమ్మతమే’ సినిమా థియేటర్స్‌లోనే చూడాలని ఉంది. చాలామంది థియేటర్స్‌లో చూడాలని ఉంది కానీ.. టికెట్స్ సమస్యగా ఉందని అంటున్నారు. నాకు తెలిసీ.. ‘సమ్మతమే’ సినిమా నార్మల్ ప్రైస్ ఉంది. అయినా సరే రేట్లు గురించి ఆలోచించి.. సమ్మతమే సినిమాకి ఫస్ట్ డే ఫస్ట్ షోకి వెళ్లలేకపోతుంటే.. వాళ్లందరికీ నేను టికెట్స్ పంపించాలని అనుకుంటున్నాను.  దానికి మీరు చేయాల్సింది ఏమీ లేదు.. ఈ వీడియో కింద మీ ఊరు.. దగ్గర్లోని థియేటర్స్ పేరు కామెంట్ పెట్టండి.. ఫస్ట్ డే ఫస్ట్ షో టికెట్స్ నేను పంపిస్తా.. వాళ్లు వీళ్లు చూసి ‘సమ్మతమే’ సినిమా ఎలా ఉందో చెప్పడం కాదు.. మీరే సినిమా చూసి ఎలా ఉందో చెప్పండి. మీరంతా థియేటర్స్‌లో సినిమా చూడాలన్నదే నా కోరిక’ అంటూ కిరణ్ అబ్బవరం తన ఇన్ స్టాగ్రామ్‌లో వీడియో విడుదల చేశారు. అయితే కిరణ్ అబ్బవరం అలా వీడియో పెట్టారో లేదో.. 15 వేలకు పైగా కామెంట్లు వచ్చాయి.. మాకు టిక్కెట్లు కావాలంటే మాకు టిక్కెట్లు కావాలని కామెంట్ల మోత మోగిస్తున్నారు. వాళ్లందరికీ టికెట్లు పంపించాలంటే.. ‘సమ్మతమే’ సినిమా బడ్జెట్‌ను దాటిపోయేలా ఉంది.. మరి కిరణ్ అందరికీ టికెట్స్ పంపిస్తారా?

 

Tags :