74 ఏళ్ల తర్వాత మళ్లీ భారత్‌లోకి
దాదాపు 74 ఏళ్ల తర్వాత గతేడాది భారత్‌లోకి మళ్లీ చీతాలు ప్రవేశించగా ఇప్పుడు వాటి సంఖ్యను పెంచేందుకు కేంద్ర ప్రభుత్వం కీలక నిర్ణయం తీసుకుంది. దక్షిణాఫ్రికా నుంచి మరో 12 చీతాలను తీసుకొచ్చేందుకు ఆ దేశంతో ఒప్పందం చేసుకుంది. ఫిబ్రవరి నెలలో ఈ చీతాలు భారత్‌కు రానున్నట్లు కేంద్ర పర్యావరణ మంత్రిత్వశాఖ సీనియర్‌ అధికారి ఒకరు వెల్లడించారు. భారత్‌, దక్షిణాఫ్రికాల మధ్య గత వారం ఈ ఒప్పందం జరిగిందన్నారు. ఏడు మగ, అయిదు ఆడ చీతాలను ఫిబ్రవరి 15న మధ్యప్రదేశ్‌లోని కునో నేషనల్‌ పార్కుకు తీసుకురానున్నట్లు తెలిపారు. ఈ 12 చీతాలు గత ఆరు నెలలుగా దక్షిణాఫ్రికాలో ప్రత్యేక క్వారంటైనులో ఉన్నాయి. ఈ నెలలోనే అవి భారత్‌కు చేరుకోవాల్సి ఉండగా కొన్ని కారణాల వల్ల ఆ ప్రకియ ఆలస్యమైంది అని అధికారి తెలిపారు.
Tags :