జో బైడెన్, కమలా హారిస్ మధ్య... సంబంధాలు దెబ్బతిన్నాయా?

జో బైడెన్, కమలా హారిస్ మధ్య...  సంబంధాలు దెబ్బతిన్నాయా?

అమెరికా అధ్యక్షుడు జో బైడెన్‌, ఉపాధ్యక్షురాలు కమలా హారిస్‌ మధ్య సంబంధాలు దెబ్బతిన్నాయా? వారి మధ్య స్నేహపూర్వక వాతావరణం లేదా? కీలక విషయాల్లో కమలను పక్కన పెట్టేస్తున్నందుకు ఆమె సిబ్బంది ఆగ్రహంతో ఉన్నారా? అమెరికన్లతో హారిస్‌ వ్యవహరిస్తున్న తీరుపై అధ్యక్షుడి బృందం ఆగ్రహంతో ఉందా? అనే ప్రశ్నలకు సమాధానం అవుననే అంటోంది. ఇటీవల కాలంలో బైడెన్‌తో పోలిస్తే కమల రేటింగ్స్‌ దారుణంగా పడిపోయాయి. దీనికి అనేక కారణాలు ఉన్నాయి. కొత్త ఉపాధ్యక్షుడిని ఎంపిక చేసేందుకు బ్యాక్‌డోర్‌ పద్ధతిగా ఆమెను సుప్రీంకోర్టుకు నియమించడాన్ని బైడెన్‌ తీవ్రంగా పరిగణిస్తున్నట్టు కూడా ఇటీవల ప్రచారం జరిగింది. సరిహద్దు సంక్షోభం వంటి ఎడతెగని సమస్యలను హారిస్‌కు అప్పగించినందుకు ఆమెతో పాటు ఆమె సహాయకులు కూడా బైడెన్‌పై కొంత విసుగ్గా ఉన్నారని శ్వేతసౌధ వర్గాలు భావిస్తున్నాయి.

ఉపాధ్యక్షురాలైన హారస్‌ కంటే శ్వేతజాతీయుడైన రవాణశాఖ కార్యదర్శి పీట్‌ బుట్టిగీగ్‌కు బైడెన్‌ వత్తాసు పలుకుతుండడాన్ని ఈ సందర్భంగా ఉదహరించింది. ఇటీవల కాలంలో బైడెన్‌ ప్రభావం కొంత తగ్గుతున్నట్టుగా కనిపిస్తోంది. అమెరికన్లు ఆయనపై పెట్టుకున్న ఆశలను నెరవేర్చులేపోతున్నట్టు తెలుస్తోంది. ఏప్రిల్‌తో పోలిస్తే బైడెన్‌ అవ్రూవల్‌ రేటు గణనీయంగా పడిపోయింది. 53 శాతం మంది బైడెన్‌కు వ్యతిరేకంగా ఓటేయగా, 41 శాతం మంది మాత్రమే సమ్మతి తెలిపారు. ఏప్రిల్‌ తో పోలిస్తే 11 పాయింట్లు తగ్గిపోయాయి.

బైడెన్‌, కమలా హరిస్‌ మధ్య సంబంధాలు దెబ్బతిన్నట్టు వస్తున్న వార్తలపై శ్వేతసౌధం స్పందించింది. అలాంటిదేమీ లేదని ఖండించింది. వారి మధ్య సామరస్య పూర్వక వాతావరణ ఉందని స్పష్టం చేసింది. సాధారణంగా ప్రస్తుత వైఎస్‌ ప్రెసిడెంట్‌ తదుపరి పార్టీ ఓపెన్‌ ఫీల్డ్‌ ప్రెసిడెన్షియల్‌ ప్రైమరీకి ఆటోమెటిక్‌గా పరిగణింపబడతారు. 80 ఏళ్ల వయసున్న బైడెన్‌ కనుక మళ్లీ ఎన్నికలకు వెళ్లకూడదనుకుంటే కనుక 2024 ఎన్నికల్లో కమలా హారిస్‌ డెమోక్రాట్ల తరపున అధ్యక్ష బరిలో నిలిచే అవకాశం ఉంది.

 

Tags :