మహేశ్, రాజమౌళి సినిమాలో విలన్ గా తమిళ్ స్టార్ హీరో?

మహేశ్, రాజమౌళి సినిమాలో విలన్ గా తమిళ్ స్టార్ హీరో?

సూప‌ర్‌స్టార్ మ‌హేశ్, ద‌ర్శ‌క‌ధీరుడు ఎస్‌.ఎస్‌.రాజ‌మౌళి కాంబినేష‌న్‌లో ఓ సినిమా రూపొందనున్న సంగ‌తి తెలిసిందే. ప్ర‌స్తుతం ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. విజయేంద్ర ప్ర‌సాద్ క‌థ‌ను సిద్ధం చేస్తున్నారు. సూప‌ర్‌స్టార్ మ‌హేశ్, ద‌ర్శ‌క‌ధీరుడు ఎస్‌.ఎస్‌.రాజ‌మౌళి కాంబినేష‌న్‌లో ఓ సినిమా రూపొందనున్న సంగ‌తి తెలిసిందే. ప్ర‌స్తుతం ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. విజయేంద్ర ప్ర‌సాద్ క‌థ‌ను సిద్ధం చేస్తున్నారు. లేటెస్ట్‌గా ఈ చిత్రానికి సంబంధించిన ఆస‌క్తిక‌ర‌మైన వార్తొక‌టి నెట్టింట తెగ వైర‌ల్ అవుతోంది. అదేంటంటే ఈ సినిమా విల‌న్ పాత్ర గురించి. రాజ‌మౌళి సినిమాలో విల‌న్ పాత్ర హీరోకి ధీటుగా ఉంటుంది. ఢీ అంటే ఢీ అనేలా జ‌క్క‌న్న త‌న సినిమాలో విల‌న్ పాత్ర‌ల‌ను క్రియేట్ చేస్తార‌న‌డంలో సందేహ‌మే లేదు. ఇప్పుడు అలాంటి మ‌రో ప‌వ‌ర్‌ఫుల్ విల‌నీ పాత్ర‌ను మ‌హేశ్ సినిమా కోసం ఆయ‌న డిజైన్ చేశార‌ట‌. ఈ పాత్ర‌లో కోలీవుడ్ విల‌క్ష‌ణ స్టార్ హీరో చియాన్ విక్ర‌మ్ నటించే అవ‌కాశం ఉంద‌ని, ఆయ‌న‌తో సంప్ర‌దింపులు జ‌ర‌ప‌డానికి రెడీ అవుతున్నారంటూ వార్త‌లు వినిపిస్తున్నాయి. అయితే ఇందులో నిజానిజాలేంట‌నేది మాత్రం తెలియ‌డం లేదు.

ఒక‌వేళ నిజ‌మే అయినా రాజ‌మౌళి సినిమాలో స్టార్ హీరోగా ఇమేజ్ ఉన్న విక్ర‌మ్ విల‌న్‌గా న‌టిస్తారా? అనేది ఆలోచించాల్సిన విష‌య‌మే. అయితే గ‌తంలో రాజ‌మౌళి ద‌ర్శ‌క‌త్వంలో వ‌చ్చిన ఈగ సినిమా కోసం జ‌క్క‌న్న విల‌న్‌గా న‌టించాల‌ని హీరో సూర్య‌ను సంప్ర‌దిస్తే ఆయ‌న రిజెక్ట్ చేశారు. త‌ర్వాత ఆ పాత్ర‌లో క‌న్న‌డ స్టార్ కిచ్చా సుదీప్ న‌టించి ప్ర‌శంస‌లు అందుకున్నారు. ఈగ మూవీ రిలీజైన త‌ర్వాత సూర్య కూడా ఆ రోల్ చేయ‌నందుకు బాధ‌ప‌డ్డాడు. మ‌రి ఈసారి రాజ‌మౌళి ఇచ్చే అవ‌కాశానికి హీరో విక్ర‌మ్ ఓకే అంటారో లేదో చూడాలి. సినీ వ‌ర్గాల్లో వినిపిస్తోన్న స‌మాచారం మేర‌కు ఆఫ్రికాలో కౌ బాయ్ బ్యాక్‌డ్రాప్‌లో మ‌హేశ్ సినిమాను తెర‌కెక్కించ‌డానికి రాజ‌మౌళి ప్లాన్ చేస్తున్నాడ‌ట‌. దుర్గాఆర్ట్స్ అధినేతి కె.ఎల్‌.నారాయ‌ణ ఈ సినిమాను నిర్మించనున్నారు.

ప్ర‌స్తుతం సూప‌ర్‌స్టార్ మ‌హేశ్ హీరోగా ప‌ర‌శురాం ద‌ర్శ‌క‌త్వంలో రూపొందుతోన్న స‌ర్కారువారి పాట చిత్రం షూటింగ్ జ‌రుపుకుంటోంది. ఈ సినిమా వ‌చ్చే ఏడాది ఏప్రిల్ 1న విడుద‌ల‌వుతుంది. సినిమా షూటింగ్ ఫైన‌ల్ స్టేజ్‌కు చేరుకుంది. స‌ర్కారువారి పాట త‌ర్వాత మ‌హేశ్ హీరోగా త్రివిక్ర‌మ్ ద‌ర్శ‌క‌త్వంలో ఓ సినిమా చేయ‌బోతున్నారు. ఆ సినిమా పూర్త‌య్యేలోపు క‌థ‌, ఇత‌ర ప్రీ ప్రొడ‌క్ష‌న్ ప‌నుల‌ను రాజ‌మౌళి అండ్ టీమ్ పూర్తి చేసుకుంటారు. ఇక జ‌క్క‌న్న విష‌యానికి వ‌స్తే ఎన్టీఆర్, రామ్ చ‌ర‌ణ్ కాంబినేష‌న్‌లో తెర‌కెక్కించిన ఆర్ ఆర్ ఆర్  సినిమాను విడుద‌ల చేసే ప‌నిలో బిజీగా ఉన్నారు. వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 7న విడుద‌ల చేస్తున్నారు.

 

Tags :