ఆర్ఆర్ఆర్ చిత్రానికి జపాన్ అకాడమీ అవార్డ్! ఉత్తమ విదేశీ చిత్రం కేటగిరీలో దక్కిన ప్రైజ్!!

ఆర్ఆర్ఆర్ చిత్రానికి జపాన్ అకాడమీ అవార్డ్! ఉత్తమ విదేశీ చిత్రం కేటగిరీలో దక్కిన ప్రైజ్!!

ఆర్ ఆర్ ఆర్ చిత్రం విదేశీ  అవార్డుల వేట ఇంకా కొనసాగుతోంది. ఈసారి అన్ని ఇంటర్నేషనల్ ఫిలిం ఫెస్టివల్స్‌లో ఆర్ఆర్ఆర్ హవా చూపిస్తుండగా.. తాజాగా మరో అకాడమీ అవార్డ్ కైవసం చేసుకుంది. దర్శక ధీరుడు రాజమౌళి  తెరకెక్కించిన ఆర్ ఆర్ ఆర్ చిత్రం ఏడాది కాలంగా ప్రేక్షకుల ఆదరణ పొందుతోంది. ఇండియాలో గతేడాది మార్చిలో విడుదలైన ఈ చిత్రం రూ. 1200 కోట్లకు పైగా కలెక్ట్ చేసిన విషయం తెలిసిందే. యూఎస్‌తో పాటు చైనాలోనూ మంచి కలెక్షన్లు రాబట్టిన ఈ మూవీ.. ఇటీవలే జపాన్‌లోనూ విడుదలై రికార్డ్ వసూళ్లతో దూసుకుపోతోంది. అయితే బాక్సాఫీస్ లెక్కలు పక్కనబెడితే.. ఇంటర్నేషనల్ ఫిలిం ఫెస్టివల్స్‌లో ఆర్ ఆర్ ఆర్అనేక అవార్డులు సొంతం చేసుకుంటోంది. ఇటీవలే ఈ సినిమాలోని నాటు నాటు సాంగ్.. ఆస్కార్ తర్వాత అత్యంత ప్రతిష్టాత్మకమైన గోల్డెన్ గ్లోబ్ అవార్డ్‌ పొంది చరిత్ర సృష్టించింది. ఇది మరవక ముందే తాజాగా జపాన్ అకాడమీ అవార్డ్‌ ను దక్కించుకుంది.

అమెజాన్‌లో లాప్‌టాప్స్, స్మార్ట్ వాచీలు మరియు హెడ్‌ఫోన్స్‌పై టాప్ డీల్స్ ఆర్ ఆర్ ఆర్ బృందానికి జపాన్ దేశం శుభవార్తను అందించింది. అత్యుత్తమ విదేశీ చిత్రం కోసం జపాన్ అకాడమీ అవార్డ్స్ లేదా జపాన్ అకాడమీ ఫిల్మ్ ప్రైజ్‌కు ఆర్ ఆర్ ఆర్ ఎంపికైంది. ఇటీవలే బెస్ట్ ఒరిజినల్ సాంగ్‌ కేటగిరీ (నాటు నాటు)లో గోల్డెన్ గ్లోబ్, ఉత్తమ విదేశీ భాషా చిత్రం కోసం రెండు క్రిటిక్స్ ఛాయిస్ అవార్డులు గెలుచుకున్న తర్వాత తాజాగా ఈ అవార్డు లభించింది.జపాన్ అకాడమీ అవార్డ్స్ అనేది నిప్పన్ అకాడమీ అవార్డ్ అసోసియేషన్ ద్వారా 1978లో స్థాపించబడిన వార్షిక అవార్డ్ వేడుక. మార్చి 10న టోక్యోలోని గ్రాండ్ ప్రిన్స్ హోటల్ న్యూ టకనావాలో ఈ అవార్డ్ ప్రదానోత్సవం జరగనుంది. మరోవైపు జపాన్‌లోని మూవీ థియేటర్ల టికెట్ కౌంటర్స్‌లో ఆర్ ఆర్ ఆర్ మెరుస్తూనే ఉంది. ఈ చిత్ర డాల్బీ విజన్ ప్రింట్లు గత వారం విడుదల చేయబడగా.. ప్రస్తుతం మరిన్ని ఐమాక్స్ స్క్రీన్స్ యాడ్ చేశారు. రోజురోజుకీ అక్కడ కలెక్షన్లు పెరుగుతున్నాయి. ఆర్ ఆర్ ఆర్ ప్రస్తతం జపాన్ బాక్సాఫీస్ వద్ద 650 మిలియన్ యెన్‌లకు పైగా వసూలు చేసిన అతిపెద్ద భారతీయ బ్లాక్‌బస్టర్‌గా నిలిచింది.

ఇక ప్రపంచవ్యాప్తంగా అభిమానులు ఆస్కార్స్ 2023 నామినేషన్ల కోసం ఆసక్తిగా ఎదురుచూస్తున్నారు. ఆస్కార్ ఫైనల్ నామినేన్స్ జాబితాను జనవరి 24న ప్రకటించనున్నారు. కాగా.. బెస్ట్ ఫారిన్ లాంగ్వేజ్ ఫిల్మ్, బెస్ట్ యాక్టర్ సహా 14 కేటగిరీల్లో ఆర్ఆర్ఆర్ చిత్రం ఆస్కార్ తుది నామినేషన్స్ కోసం పోటీపడుతోంది. మరోవైపు ఇండియా నుంచి ఆస్కార్‌కు అధికారికంగా ఎంట్రీ ఇచ్చిన ‘ఛెల్లో షో’ కూడా పోటీలో ఉండటం విశేషం. ఆర్ఆర్ఆర్ చిత్రంలో కథానాయకులుగా నటించిన ఎన్టీఆర్, మెగా పవర్ స్టార్ రాంచరణ్‌.. ప్రస్తుతం తమ ఫ్యూచర్ ప్రాజెక్టులతో బిజీగా ఉన్నారు.

 

 

Tags :