ప్రకాష్ రాజ్ సంచలన నిర్ణయం.. ప్యానల్ సభ్యులు మూకుమ్మడి రాజీనామా

ప్రకాష్ రాజ్ సంచలన నిర్ణయం.. ప్యానల్ సభ్యులు మూకుమ్మడి రాజీనామా

మంచు విష్ణు చేతిలో ఘోర పరాజయాన్ని చవి చూసిన ప్రకాష్ రాజ్ కీలకమైన నిర్ణయం తీసుకున్నారు. మంగళవారం నాడు మీడియా సమావేశం నిర్వహించిన ప్రకాష్ రాజ్.. మంచు విష్ణు‌పైన మోహన్ బాబుపైన తీవ్ర వ్యాఖ్యలు చేశారు. పోస్టల్ బ్యాలెట్‌లో అక్రమాలు జరిగాయి.. ఎలక్షన్స్‌లో రౌడీయిజం జరిగిందంటూ షాకింగ్ కామెంట్స్ చేశారు ప్రకాష్ రాజ్. మంగళవారం నాడు మీడియా సమావేశం నిర్వహించిన ప్రకాష్ రాజ్ కీలకమైన నిర్ణయం చేశారు. మా ఎన్నికల తీరు సరిగా లేదు కాబట్టి.. మా సంక్షేమం కోసం తన ప్యానల్ నుంచి గెలిచిన సభ్యులు అంతా మూకుమ్మడిగా రాజీనామా చేస్తున్నట్టు తెలిపారు ప్రకాష్ రాజ్. తన ప్యానల్‌లో గెలిచిన ఎనిమిది మంది ఈసీ మెంబర్లు శివారెడ్డి, బ్రహ్మాజీ, ప్రభాకర్, తనీష్, సురేష్ కొండేటి, కౌశిక్, సుడిగాలి సుధీర్, సమీర్‌లతో పాటు శ్రీకాంత్, ఉత్తేజ్, బెనర్జీలు కూడా రాజీనామా చేస్తున్నట్టు తెలిపారు ప్రకాష్ రాజ్. ఆయన మాట్లాడుతూ.. ‘మేం ఎన్నో కలలు ఆశలతో పోటీ చేశాం.. రిజల్స్ వచ్చాయి.. మా ప్యానల్ నుంచి 11 మంది గెలిచారు. కానీ రెండు మూడు రోజులుగా జరిగిన సంఘటనలపై అందరం కూర్చుని చర్చించిన అనంతరం ఓ నిర్ణయానికి వచ్చాం. ఎన్నికల్లో క్రాస్ ఓటింగ్ జరిగింది.. సగం మంది ఈ ప్యానల్ నుంచి ఉన్నారు.. సగం మంది ఆ ప్యానల్ నుంచి ఉన్నారు.

అందరం కూర్చుని మాట్లాడుకుందాం అన్నారు.. జరిగిన ఎన్నికల్లో రౌడీయిజం జరిగింది. మాటలపోరు జరిగింది.. పోస్టల్ బ్యాలెట్‌లో అన్యాయం జరిగింది. దూరం నుంచి మనుషుల్ని రప్పించారు. క్రమశిక్షణ లేకుండా బెనర్జీపై చేయిచేసుకున్నారు. అసభ్యకరమైన భాషను ఉపయోగించారు. తనీష్ పై దాడికి యత్నించారు. రాత్రికి రాత్రి రిజల్ట్ మారిపోయాయి.. కౌంట్ చేయడానికి ఒకరోజు టైం తీసుకున్నారు.. లెక్కలు మారిపోయాయి. నిన్న గెలిచిన వాళ్లు తరువాతి రోజు ఓడిపోయారు.

ప్రెసిడెంట్‌గా గెలిచిన విష్ణు అందర్నీ కలుపుకుని పోతా అన్నాడు. జనరల్ సెక్రటరీ మావాడే.. ట్రెజరర్ మావాడే.. ఎవరు అడ్డొచ్చినా మాదే మెజారిటీ అనే మాటలు బాధించాయి. మీరు మేము అనుకునే పరిస్థితి ఉంటే.. కలిసి ఎలా పనిచేస్తాం.. ఇలా సగం సగం ప్యానల్ వస్తే పనిచేయలేం.. మా మసకబారింది అనే పరిస్థితి వరకూ వచ్చింది ‘మా’. గెలిచిన మా ప్యానల్‌లో ఉన్న వాళ్లు అనేమాట ఏంటి అంటే.. మేం వాళ్లతో కలిసి పనిచేయగలమా? అని అడిగారు. మేం ప్రశ్నిస్తే వాళ్లు ఊరుకుంటారా? అని అడిగారు అందుకే మేం ఓ నిర్ణయానికి వచ్చాం.. ఈ రెండేళ్లు విష్ణు పనిచేయాలి.. ఆయన హామీలను నెరవేర్చాలి. అందుకే మా ప్యానల్ నుంచి 11 మంది ప్యానల్ సభ్యులు మూకుమ్మడిగా రాజీనామా చేస్తున్నాం. మీకు కావాల్సిన వాళ్లతో మీరు ఫ్రీగా పనిచేయండి.. మేం బయట నుంచి చూస్తాం.. కానీ మనల్ని గెలిపించిన ఓటర్లకు న్యాయం చేయాలి.. మీరు పనిచేయకపోతే వాళ్ల తరుపున ప్రశ్నిస్తాం.. గొడవలు వద్దు’ అని అన్నారు ప్రకాష్ రాజ్.

ప్రకాష్ రాజ్ కొత్త కుంపటి

ప్రకాష్ రాజ్ కొత్త కుంపటి పెట్టబోతున్నట్లు వస్తున్న వార్తలపై ఆయన రియాక్ట్ అయ్యారు. అలాంటి వార్తల్లో వార్తలు నిజం కాదని ప్రకాష్ రాజ్ పేర్కొన్నారు.ప్రకాష్ రాజ్ కొత్త కుంపటి పెట్టబోతున్నట్లు వస్తున్న వార్తలపై ఆయన రియాక్ట్ అయ్యారు. అలాంటి వార్తల్లో వార్తలు నిజం కాదని ప్రకాష్ రాజ్ పేర్కొన్నారు. మూవీ ఆర్టిస్ట్‌ అసోసియేషన్‌ (MAA)లో జరుగుతున్న పరిణామాలు టాలీవుడ్ వర్గాల్లో పలు చర్చలకు తావిస్తున్నాయి. గతంతో పోల్చితే ఈ సారి ఎన్నికలు మరింత హీటెక్కించాయి. ప్రకాష్ రాజ్ Vs మంచు విష్ణు మధ్య జరిగిన హోరాహోరీ పోరులో చివరకు 'మంచు' వారికే అధ్యక్ష పీఠం దక్కింది.

ఈ నేపథ్యంలో ఓటమి పాలైన ప్రకాష్ రాజ్.. తాజాగా ఈ రోజు (మంగళవారం) విలేకరులతో సమావేశం ఏర్పాటు చేసి 'మా' ఎన్నికలపై సంచలన వ్యాఖ్యలు చేశారు. 'మా' ఎన్నికల తీరు సరిగా లేదు కాబట్టి.. మా సంక్షేమం కోసం తన ప్యానల్ నుంచి గెలిచిన సభ్యులు అంతా మూకుమ్మడిగా రాజీనామా చేస్తున్నట్లు ప్రకాష్ రాజ్ ప్రకటించారు. అనంతరం మీడియాలో ప్రకాష్ రాజ్ కొత్త కుంపటి పెట్టబోతున్నట్లు వస్తున్న వార్తలపై రియాక్ట్ అయ్యారు.'మా' ఎన్నికల తీరు సరిగా లేదు కాబట్టి.. మా సంక్షేమం కోసం తన ప్యానల్ నుంచి గెలిచిన సభ్యులు అంతా మూకుమ్మడిగా రాజీనామా చేస్తున్నట్లు ప్రకాష్ రాజ్ ప్రకటించారు. అనంతరం మీడియాలో ప్రకాష్ రాజ్ కొత్త కుంపటి పెట్టబోతున్నట్లు వస్తున్న వార్తలపై రియాక్ట్ అయ్యారు.

 

Tags :