60 పోస్టల్ బ్యాలెట్స్‌లో ఎక్కువ శాతం విష్ణు మంచుకే....

60 పోస్టల్ బ్యాలెట్స్‌లో ఎక్కువ శాతం విష్ణు మంచుకే....

‘మా’ ఎన్నిక‌ల‌కు సంబంధించిన పోస్ట‌ల్ బ్యాలెట్ ఎన్నిక పూర్త‌య్యింది. ఇందులో విష్ణు మంచు పై చేయి సాధించారని సమాచారం. తుది ఫలితాలు వెలువడటానికి రాత్రి 11 గంటలు అవుతుందని సమాచారం. సినీ ఆర్టిస్ట్ సంక్షేమం కోసం ఏర్పాటు చేసిన మూవీ ఆర్టిస్ట్ అసోసియేష‌న్‌(‘మా’) ఎన్నిక‌లు ర‌స‌వత్త‌రంగా ముగిశాయి. ఆదివారం(అక్టోబ‌ర్ 10) రోజున జ‌రిగిన ఎన్నిక‌ల్లో ప్రకాశ్ రాజ్, విష్ణు మంచు పోటీ పడ్డారు. పోటాపోటీగా ఒక‌రిపై ఒక‌రు విమ‌ర్శ‌లు, ప్ర‌తి విమ‌ర్శ‌లు చేసుకుంటూ వ‌చ్చారు. ఎన్న‌డూ లేనంత‌గా 665 ఓట్లు పోల‌య్యాయి. ఇందులో 50 ఓట్లు చెల్లనవిగా ఎలక్షన్స్ కమిషన్ గుర్తించాయి. అలాగే 60 పోస్ట‌ల్ బ్యాలెట్ ఓట్లు కూడా ఉన్నాయి. ఓట్ల లెక్కింపులో ముందుగా పోస్ట‌ల్ బ్యాలెట్ ఓట్ల‌ను లెక్కించారు. ఇందులో ఎక్కువ ఓట్లు విష్ణు మంచుకే ప‌డ్డాయి. ఇక మెయిన్ ఓటింగ్‌లో ఎవ‌రు గెలుస్తార‌నేది ఆస‌క్తిక‌రంగా మారింది. ప్ర‌కాశ్ రాజ్ ప్యానెల్‌ను గ‌మ‌నిస్తే.. జీవితా రాజ‌శేఖ‌ర్ జ‌న‌ర‌ల్ సెక్ర‌ట‌రీగా, శ్రీకాంత్ ఎగ్జిక్యూటివ్ వైస్ ప్రెసిడెంట్‌గా, వైస్ ప్రెసిడెంట్స్‌గా బెన‌ర్జీ, హేమ‌.. జాయింట్ సెక్ర‌ట‌రీగా ఉత్తేజ్‌, అనితా చౌద‌రి, ట్రెజ‌ర‌ర్‌గా నాగినీడు, అన‌సూయ, రోహిత్‌, భూపాల్‌, బ్ర‌హ్మాజీ, ఈటీవీ ప్ర‌భాక‌ర్ రావు, గోవింద‌రావు, ఖ‌య్యూమ్‌, కౌశిక్‌, ప్ర‌గ‌తి, కొండేటి సురేశ్‌, శివారెడ్డి, శ్రీధ‌ర్ రావు, స‌మీర్‌, సుడిగాలి సుధీర్‌, సుబ్బ‌రాజు, ర‌మ‌ణారెడ్డి, త‌నీశ్‌పోటీ చేశారు.

విష్ణు మంచు ప్యానెల్‌ను గ‌మ‌నిస్తే.. ర‌ఘుబాబు జ‌న‌ర‌ల్ సెక్ర‌ట‌రీగా.. బాబూ మోహ‌న్ ఎగ్జిక్యూటివ్ ప్రెసిడెంట్‌గా.. వైస్ ప్రెసిడెంట్స్‌గా మాదాల ర‌వి, 30 ఇయ‌ర్స్ పృథ్వీ.. జాయింట్ సెక్ర‌ట‌రీలుగా క‌రాటే క‌ళ్యాణి, గౌత‌మ్ రాజు, ట్రెజ‌ర‌ర్‌గా శివ బాలాజీ, ఎగ్జిక్యూటివ్ మెంబ‌ర్స్ విష‌యానికి వ‌స్తే.. అర్చ‌నా వేద‌, అశోక్ కుమార్‌, గీతా సింగ్‌, హ‌రినాథ్ బాబు, జ‌య‌వాణి, మ‌ల‌క్ పేట శైల‌జ‌, మానిక్, పూజిత‌, రాజేశ్వ‌రి రెడ్డి, రేఖ‌, సంపూర్ణేష్ బాబు, శ‌శాంక్‌, శివ‌న్నారాయ‌ణ‌, శ్రీల‌క్ష్మి, శ్రీనివాసులు.పి, స్వ‌ప్న మాధురి, విష్ణు బొప్ప‌న‌, వ‌డ్ల‌ప‌ట్ల మోహ‌న్ పోటీ చేశారు.

 

Tags :