రవితేజ చేతుల మీదుగా సంజయ్ రావ్ "స్లమ్ డాగ్ హజ్బెండ్" బరాత్ సాంగ్ రిలీజ్

రవితేజ చేతుల మీదుగా సంజయ్ రావ్ "స్లమ్ డాగ్ హజ్బెండ్" బరాత్ సాంగ్ రిలీజ్

సంజయ్ రావు హీరోగా మైక్ మూవీస్ నిర్మిస్తున్న కామికల్ ఎంటర్ టైనర్ సినిమా "స్లమ్ డాగ్ హజ్బెండ్". ప్రణవి మానుకొండ హీరోయిన్ గా నటిస్తోంది. ఈ చిత్రంతో ప్రముఖ దర్శకుడు పూరీ జగన్నాథ్ శిష్యుడు డాక్టర్ ఏఆర్ శ్రీధర్ దర్శకుడిగా పరిచయం అవుతున్నారు. అప్పిరెడ్డి, వెంకట్ అన్నపరెడ్డి నిర్మాతలు. ఈ చిత్రంలో బ్రహ్మాజీ మరో కీలక పాత్రలో నటిస్తున్నారు.

చిత్రీకరణ తుది దశలో ఉందీ సినిమా. తాజాగా "స్లమ్ డాగ్ హజ్బెండ్" సినిమా నుంచి బరాత్ సాంగ్ ను మాస్ రాజా రవితేజ విడుదల చేశారు. పాటలో చాలా జోష్ ఉందని, పాటతో పాటు సినిమా కూడా హిట్ అవ్వాలని మూవీ టీమ్ కు విశెస్ తెలిపారు.  ఈ పాట ఎలా ఉందో చూస్తే...లచ్చి గాని పెళ్లి ఇగ పార్శి గుట్టల లొల్లి. లచ్చిగాని పెళ్లి నువు మర్పా కొట్టర మళ్లీ..అంటూ సాగే ఈ పాట బరాత్ సాంగ్ ఆఫ్ సెంచరీ గా నిలవనుంది. ఈ పాటకు కాసర్ల శ్యామ్ సాహిత్యాన్ని అందించగా..భీమ్స్ సిసిరోలియో స్వరపర్చి పాడారు. బరాత్ సందడి, ఉత్సాహం అంతా ఈ పాటలో కనిపించింది.  సినిమా ఎంత మాస్ ఎంటర్ టైనర్ గా ఈ పాట ఉంటుందో తెలియజేస్తోంది.

 

Tags :