మెగాస్టార్ చిరంజీవి. 'ఆచార్య'గా థియేటర్లలోకి వచ్చేసాడు : అదిరింది ట్రైలర్

మెగాస్టార్ చిరంజీవి. 'ఆచార్య'గా థియేటర్లలోకి వచ్చేసాడు : అదిరింది ట్రైలర్

'సైరా నరసింహా రెడ్డి' తర్వాత మెగాస్టార్‌ చిరంజీవి సినిమా కోసం ఆయన అభిమానులు ఎంతగానో ఎదురు చూస్తున్న చిత్రం 'ఆచార్య'. మూవీ ట్రైల‌ర్ విడుద‌లైంది. ఈ నేపథ్యంలోనే ఏప్రిల్‌ 12న ఈ మూవీ ట్రైలర్‌ను విడుదల చేయనున్నట్లు ప్రకటించారు.  ప్రకటించినట్లుగానే ఈ రోజు  మంగళవారం (ఏప్రిల్‌ 12)న సాయంత్రం 'ఆచార్య' ట్రైలర్‌ను రిలీజ్ చేశారు మేకర్స్. ప‌క్కా మాస్ అండ్ యాక్ష‌న్ ఎలిమెంట్స్‌తో పాటు అభిమానులు, స‌గ‌టు ప్రేక్ష‌కులు కోరుకునే క‌మ‌ర్షియ‌ల్ హంగుల‌ను జ‌త చేసి ద‌ర్శ‌కుడు కొర‌టాల శివ ఈ సినిమాను తెర‌కెక్కించారు. ఏప్రిల్ 29న సినిమా రిలీజ్ అవుతుంది. మెగాస్టార్ చిరంజీవి టైటిల్ పాత్రలో నటించిన చిత్రం ‘ఆచార్య’. కొరటాల శివ దర్శకత్వం వహించారు. ఈ మూవీలో మెగా పవర్ స్టార్ రామ్ చరణ్ సిద్ధ అనే కీలక పాత్రలో నటించారు. ఏప్రిల్ 29న విడుదలవుతుంది. ఇప్పటి వరకు చిరంజీవి, రామ్ చరణ్ కలిసి నటించారు. అయితే అవన్నీ గెస్ట్ రోల్స్‌కే ప‌రిమితం అయ్యాయి.

తొలిసారి చిరంజీవి - రామ్ చ‌ర‌ణ్‌ల‌ను ప‌వ‌ర్ ఫుల్ పాత్ర‌ల్లో చూపించిన చిత్ర‌మే ‘ఆచార్య’. ట్రైల‌ర్‌ను గ‌మ‌నిస్తే..సినిమా అంతా ధ‌ర్మ‌స్థలి అనే ప్రాంతం చుట్టూ తిరుగుతుంద‌ని అర్థ‌మ‌వుతుంది. ట్రైల‌ర్‌లోనే ‘ఆచార్య’ సినిమా క‌థేంటో సింపుల్‌గా చెప్పేసిన‌ట్లు తెలుస్తోంది. ధ‌ర్మ‌స్థ‌లి ప్రాంతంలో ఉండే ఆల‌యం దాని చుట్టూ ఉండే భూములను క‌బ్జా చేయాల‌ని కొంద‌రు దుష్ట శ‌క్తులు ప్ర‌య‌త్నం చేస్తుంటారు. ఆ దుష్ట శ‌క్తుల బారి నుంచి ఆ ప్రాంతాన్ని కాపాడ‌టానికి వ‌చ్చే వక్తి ఆచార్య‌. అంతే కాకుండా అంతకు ముందే ధ‌ర్మ‌స్థ‌లి ప్రాంతాన్ని సిద్ధ అనే యువ‌కుడు కాపాడుతుంటాడు. అయితే అనుకోకుండా ఆ సిద్ధ క‌నిపించ‌కుండా పోతాడు. మ‌రి ఆ సిద్ధ గురించి ఆచార్య‌కు తెలుసా!

సిద్ధ అనే పాత్ర‌కు ఏమైంది? అనే విష‌యాల‌పై ఆస‌క్తి పెంచేలా రూపొందించిన చిత్ర‌మే ‘ఆచార్య’ అని ట్రైల‌ర్‌ను చూస్తే సుస్ప‌ష్టంగా అర్థ‌మ‌వుతుంది. ఇటు మెగా ఫ్యాన్స్‌ని మెప్పించేలా యాక్ష‌న్ స‌న్నివేశాలు..సామాన్య మాస్ ప్రేక్ష‌కుడికి న‌చ్చేలా, క‌మ‌ర్షియ‌ల్ ఎలిమెంట్స్‌ను మిక్స్ చేసి ద‌ర్శ‌కుడు కొర‌టాల శివ .. ‘ఆచార్య’ సినిమాను తెర‌కెక్కించారు. ఏప్రిల్ 29న ఈ సినిమా వ‌ర‌ల్డ్ వైడ్‌గా విడుద‌ల‌వుతుంది. ట్రైల‌ర్ చూస్తుంటే ఫ్యాన్స్ అంచ‌నాల‌ను మించేలా సినిమా ఉంది. ఇక ఫుల్ మూవీ చూస్తే ఈ కిక్ నెక్ట్స్ రేంజ్‌లో ఉంటుంద‌న‌డంలో సందేహ‌మే లేదు. ఈ సినిమాలోనే న‌క్స‌ల్ కాన్సెప్ట్‌ను మిక్స్ చేశారు. సోనూసూద్ విల‌న్‌గా న‌టించారు. కొణిదెల ప్రొడ‌క్ష‌న్ కంపెనీ, మ్యాట్నీ ఎంట‌ర్‌టైన్‌మెంట్స్ ప‌తాకాల‌పై ఈ చిత్రాన్ని నిరంజ‌న్ రెడ్డి, అన్వేష్ రెడ్డి నిర్మిస్తున్నారు. చిరంజీవికి జోడీగా కాజ‌ల్ అగ‌ర్వాల్‌.. రామ్ చ‌ర‌ణ్ స‌ర‌స‌న పూజా హెగ్డే న‌టించారు.

https://twitter.com/KChiruTweets/status/1513859992319053827

https://twitter.com/AlwaysRamCharan/status/1513860085050605572

 

Tags :