50 ఏళ్ళ క్రితం ప్రేమ్ నగర్ ఇప్పుడు ప్రేమ కథ (లవ్ స్టోరీ) కింగ్ నాగార్జున ట్వీట్ వైరల్

50 ఏళ్ళ  క్రితం ప్రేమ్ నగర్ ఇప్పుడు ప్రేమ కథ (లవ్ స్టోరీ) కింగ్ నాగార్జున ట్వీట్ వైరల్

సినిమా నుంచి ఒక్కొక్కటిగా రిలీజ్ చేస్తున్న అప్‌డేట్స్ సినిమాపై ఉన్న ఆతృతను పెంచేస్తున్నాయి. తాజాగా ఈ సినిమాపై నాగార్జున కామెంట్ చేశారు. ఈ కామెంట్‌పై నాగ చైతన్య రియాక్ట్ అయ్యారు. నాగ చైతన్య హీరోగా రాబోతున్న 'లవ్ స్టోరీ' సినిమాపై భారీగా అంచనాలున్నాయి. ఒక్కొక్కటిగా రిలీజ్ చేస్తున్న ఈ మూవీ అప్‌డేట్స్ సినిమాపై ఉన్న ఆతృతను పెంచేస్తున్నాయి. ఈ నేపథ్యంలోనే తాజాగా తన కొడుకు సినిమాపై నాగార్జున చేసిన కామెంట్ వైరల్ అవుతోంది.

అప్పట్లో ప్రేమ్ నగర్.. నేడు లవ్ స్టోరీ అంటూ ఆ రెండు సినిమాల పోస్టర్స్ జత చేస్తూ ట్విట్టర్‌లో పోస్ట్ పెట్టారు నాగార్జున. సెప్టెంబర్ 24వ తేదీ 1971 సంవత్సరంలో 'ప్రేమ్ నగర్' సినిమా రిలీజ్ కాగా.. ఇప్పుడు అదే సెప్టెంబర్ 24వ తేదీ 2021లో 'లవ్ స్టోరీ' రాబోతుందంటూ తాతా మనవళ్లు నాగేశ్వర్ రావు- నాగ చైతన్యలను పోల్చారు నాగార్జున. ఈ దృశ్యం చూడటానికి చాలా బాగుందని.. లవ్ స్టోరీ మూవీ కోసం ఆతృతగా ఎదురుచూస్తున్నానని ఆయన పేర్కొన్నారు. నాన్న నాగార్జున ట్వీట్ చూసి దాన్ని రీ- ట్వీట్ చేస్తూ 'థాంక్స్' చెప్పారు నాగ చైతన్య ఫీల్ గుడ్ లవ్ స్టోరీగా ప్రేక్షకుల ముందుకు రాబోతున్న ఈ 'లవ్ స్టోరీ' మూవీలో నాగ చైతన్య జంటగా సాయి పల్లవి నటిస్తోంది. శేఖర్ కమ్ముల దర్శకత్వం వహిస్తున్నారు. శ్రీ వెంకటేశ్వర సినిమాస్ ఎల్ఎల్ పీ, అమిగోస్ క్రియేషన్స్ సంస్థలు సంయుక్తంగా నిర్మిస్తున్నాయి. కె నారాయణదాస్ నారంగ్, పి. రామ్మోహన్ రావు నిర్మాతలుగా వ్యవహరిస్తున్నారు. పవన్ సీహెచ్ సంగీతం అందిస్తున్న ఈ సినిమాను సెప్టెంబర్ 24న ప్రేక్షకుల ముందుకు తీసుకొస్తున్నారు. రీసెంట్‌గా విడుదలైన ట్రైలర్ రికార్డుల సునామీ సృష్టిస్తోంది.

Tags :