పవిత్రా లోకేష్ పార్ట్ 1.O, పార్ట్ 2.O లవ్ స్టోరీస్

పవిత్రా లోకేష్ పార్ట్ 1.O, పార్ట్ 2.O లవ్ స్టోరీస్

సీనియర్ నటి పవిత్రా లోకేష్ తెలుగులోనే కాకుండా కన్నడ, తమిళ్, మలయాళ భాషల్లో అనేక చిత్రాల్లో నటించింది. హీరోయిన్‌గా అనేక చిత్రాల్లో నటించి.. సీరియల్స్ కూడా చేసింది. ప్రస్తుతం తెలుగులో ఎక్కువ రెమ్యునరేషన్ తీసుకునే క్యారెక్టర్ ఆర్టిస్ట్‌గా బిజీ అయ్యింది. తెలుగులో నరేష్‌కి పెయిర్‌గా పాపులర్ అయ్యింది. ఎంసీఏ, ఎంతమంచి వాడవురా, సరిలేరు నీకెవ్వరు, లక్ష్మీ రావే మా ఇంటికీ తదితర చిత్రాల్లో నరేష్, పవిత్రా లోకేష్‌లు జంటగా నటించారు. నరేష్ నాలుగో పెళ్లి ఇష్యూతో వార్తల్లోకి వచ్చింది సీనియర్ నటి పవిత్రా లోకేష్. గత కొంతకాలంగా ఈ ఇద్దరూ కలిసి ఉంటున్నారని.. ఈ ఇద్దరూ త్వరలో పెళ్లి చేసుకోబోతున్నారనే వార్తలు వైరల్ అవుతున్నాయి. అయితే తనపై చిన్న రూమర్ వచ్చినా క్లారిటీ ఇచ్చి క్లియర్ చేసుకునే నరేష్.. పవిత్రా లోకేష్‌తో రహస్య బంధం గురించి ఇంకా ఓపెన్ కాలేదు. అయితే సినిమా వాళ్లే పెళ్లిళ్లు చేసుకుంటున్నారా? మిగిలిన వాళ్లు పెళ్లి చేసుకోవడం లేదా అని వివాహ వ్యవస్థనే తప్పుపడుతూ కీలక వ్యాఖ్యలు చేశారు నరేష్. మొత్తానికి నరేష్  వ్యాఖ్యలతో పవిత్రా లోకేష్ వార్తల్లోకి వచ్చింది.

గత కొంతకాలంగా నరేష్‌తో చెట్టాపట్టాలేసుకుని తిరుగుతున్న పవిత్రా లోకేష్‌కి ముందే పెళ్లై ఉండటం.. అతనితో విడాకులు తీసుకోకుండానే నరేష్‌తో చనువుగా ఉండటంతో ఆమె గురించి ఆసక్తికర విషయాలు వెలుగులోకి వచ్చాయి. పవిత్రా లోకేష్.. కన్నడ ఇండస్ట్రీలో పాపులర్ నటుడు, రచయిత, దర్శకుడు అయిన సుచేంద్ర ప్రసాద్ ను ప్రేమించి పెళ్లి చేసుకుంది. ఇక్కడ ట్విస్ట్ ఏంటంటే.. పవిత్రను పెళ్లి చేసుకునే సరికి సుచేంద్ర ప్రసాద్‌కి మల్లికా ప్రసాద్ సిన్హా అనే అమ్మాయితో పెళ్లైంది. అయితే సుచేంద్ర ప్రసాద్‌కి మల్లికా ప్రసాద్‌ సిన్హా ల మధ్య విభేదాల కారణంతో 2006లో విడిపోయారు.

ఆ తరువాత పవిత్రా లోకేష్‌తో ప్రేమ చిగురించడంతో 2007లో ఆమెను పెళ్లి చేసుకున్నాడు. వీరిద్దరికీ ఇద్దరు సంతానం. పవిత్రా లోకేష్, సుచేంద్ర ప్రసాద్.. ఇద్దరూ కలసి నటించడంతో ఇద్దరి మధ్య ప్రేమ చిగురించిందని పాత ఇంటర్వ్యూలలో చెప్పుకొచ్చింది పవిత్రా లోకేష్. తన భర్తది చాలా ఉన్నత వ్యక్తిత్వం అని.. అలాంటి వ్యక్తిని మరొకరిలో చూడలేం అని చెప్పిన ఆమె.. తన భర్తలో ఒక్క లోపం కూడా లేదని పొగడ్తలు కురిపించింది. తనతో పోల్చుకుంటే ఆయన చాలామంచి వ్యక్తని చెప్పింది. ఆయన నటన అంటే తనకి చాలా ఇష్టం అని.. ఇద్దరూ కలిసి నటించే అవకాశం వచ్చినా.. ఇద్దరం కలిసి షూటింగ్‌కివెళ్తే పిల్లల్ని చూసుకోవడానికి ఇబ్బంది అవుతుందని అవకాశాలను వదులుకున్నట్టు చెప్పుకొచ్చారు.

తన భర్తకి వండిపెట్టడం అంటే తన చాలా ఇష్టం అని.. ఏ మాత్రం సమయం దొరికినా తన భర్తకి కావాల్సిన వంటల్ని వండిపెడతానని భర్తపై ప్రేమ కురిపించింది. నా భార్య నాకే సొంతం అనుకుంటారు కాబట్టే.. తను వేరే హీరో పక్కన చేసిన సినిమాలు చూసేవారు కాదని చెప్పింది. సినిమాల గురించి ఇంట్లో పెద్దగా చర్చలు ఉండేవి కావని చెప్పుకొచ్చింది పవిత్రా లోకేష్. అయితే ఇవన్నీ పవిత్రా లోకేష్ గతంలో చెప్పిన మాటలు.. ఇప్పుడు పరిస్థితులు మారిపోయాయి. గత మూడేళ్లుగా భర్త సుచేంద్ర ప్రసాద్‌కి దూరంగా ఉంటుందట పవిత్రా లోకేష్. విడాకులకు అప్లై చేసి.. పరస్పర సమ్మతితో వివాహ రద్దు అనేందుకు రెడీగా ఉందట. ఇంతలోనే నరేష్‌తో రహస్య పెళ్లి చేసుకుందనే వార్తలు వినిపిస్తున్నాయి.

 

Tags :