ఫ్లాప్ సినిమాలను త్వరగా ఓటీటీలోకి తీసుకువస్తే లాభమే కదా? :నిర్మాత బన్నీవాస్

ఫ్లాప్ సినిమాలను త్వరగా ఓటీటీలోకి తీసుకువస్తే లాభమే కదా? :నిర్మాత బన్నీవాస్

సినిమా విడుదలైన కొద్ది రోజులకే ఓటీటీలో విడుదల అవుతుండటంపై నిర్మాత బన్నీ వాసు స్పందించారు. సినిమా విడుదల అయిన తరువాత 50 రోజుల వరకూ ఓటీటీకి ఇవ్వకూడదని ప్రొడ్యూసర్లు ఆలోచిస్తున్నట్లు చెప్పారు. ప్రస్తుతం ఓటీటీల ట్రెండ్ నడుస్తోంది. థియేటర్లకు ప్రేక్షకులు బాగా తగ్గిపోయారనేది కాదలేని వాస్తవం. ఎంత పెద్ద సినిమా అయినా.. కొద్ది రోజుల్లో ఏదో ఒక ఓటీటీలో వస్తుందిలే అనే భావనలో చాలా మంది సినీ ప్రియులు ఉన్నారు. దీంతో పెద్ద సినిమాలకు చాలా నష్టం వాటిల్లుతోందని నిర్మాతలు చెబుతున్న సంగతి తెలిసిందే. తాజాగా ఓటీటీలోకి కొత్త సినిమాలు రావడంపై ప్రముఖ నిర్మాత బన్నీ వాసు స్పందించారు.

'సినిమా రిలీజ్ అయిన తరువాత 50 రోజుల వరకూ ఓటీటీకి ఇవ్వకూడదని ప్రొడ్యూసర్లు ఆలోచిస్తున్నారు. త్వరగా ఓటీటీలోకి సినిమాలు వస్తే.. థియేటర్ వ్యవస్థకే కాకుండా.. పెద్ద హీరోలకు కూడా నష్టం. ఓటీటీలతో హీరోల క్రేజ్ కూడా తగ్గుతుంది. ఓటీటీలో సినిమాల విడుదల చేయడంపై రేపు ప్రొడ్యూసర్లు సమావేశం కానున్నారు..' అని బన్నీవాసు తెలిపారు. బన్నీ వాసు నిర్మించిన 'పక్కా కమర్షియల్‌' సినిమా జులై 1న ప్రేక్షకుల ముందుకు రానుంది.

ఈ సందర్భంగా ఆయన మీడియాతో మాట్లాడుతూ.. కరోనా తరువాత సినిమా పబ్లిసిటీ ఖర్చులు పెరిగాయని.. వసూళ్లు తగ్గిపోయాయన్నారు. కొద్దిరోజుల్లో ఓటీటీలోకి వస్తుందిలే అని ఆడియన్స్ అనుకుంటే ఏం చేయలేమని అని అన్నారు. ఫ్లాప్ అయిన సినిమాలను త్వరగా ఓటీటీలోకి తీసుకువస్తే లాభమేనని.. కానీ భవిష్యత్‌లో థియేటర్ వ్యవస్థపై తీవ్ర ప్రభావం చూపిస్తుందని ఆయన అన్నారు. సినిమాలు విడుదలైన తరువాత ఎన్ని రోజుల్లో ఓటీటీలోకి తీసుకురావాలనే విషయంపై పరిశోధన జరుగుతోందన్నారు బన్నీ వాసు.

 

Tags :