వారికి రూ.2లక్షల బీమా : రేవంత్‌ రెడ్డి

వారికి రూ.2లక్షల బీమా : రేవంత్‌ రెడ్డి

తెలంగాణ రాష్ట్రంలో కాంగ్రెస్‌ పార్టీ సభ్యత్వం తీసుకున్న వారికి రూ.2 లక్షల బీమా సౌకర్యం కల్పిస్తున్నట్టు పీసీసీ అధ్యక్షుడు రేవంత్‌ రెడ్డి తెలిపారు. ఈ సందర్భంగా రేవంత్‌ రెడ్డి మీడియాతో మాట్లాడుతూ కాంగ్రెస్‌ పార్టీలో చేరే వారికి ఒక ధీమా కల్పిస్తున్నట్టు చెప్పారు. పార్టీ సభ్యత్వం తీసుకున్న వారికి గుర్తింపు కార్డు ఇస్తున్నామని తెలిపారు. చాలా పారదర్శకంగా కాంగ్రెస్‌ సభ్యత్వ నమోదు నిర్వహిస్తున్నామని అన్నారు. 30 లక్షల సభ్యత్వాలు నమోదు చేయాలని లక్ష్యంగా నిర్దేశించుకున్నామని వెల్లడిరచారు. చనిపోయిన కార్యకర్త కుటుంబానికి ఆర్థిక భద్రత కల్పించేందుకే బీమా సౌకర్యం కల్పిస్తున్నట్టు పేర్కొన్నారు.

గాంధీ భవన్‌లో ఏర్పాటు చేసిన కార్యక్రమంలో న్యూ ఇండియా ఇన్సూరెన్స్‌ సంస్థతో ఒప్పందం కుదుర్చుకున్నారు. సభ్యత్వం తీసుకున్న కార్యకర్తలు ఎవరైనా ప్రమాదవశాత్తూ మరణిస్తే రూ.2 లక్షలు, ప్రమాదం జరిగి అవయవాలు దెబ్బతింటే  తీవ్రతను బట్టి పరిహారం అందుతుందని ఇన్సూరెన్స్‌ సంస్థ ప్రతినిధులు వెల్లడించారు.

 

Tags :