ముంబై వన్డేలో విరాట్ కోహ్లి ‘నాటు నాటు’ స్టెప్.. వీడియో& పిక్స్ వైరల్
టీమిండియా స్టార్ ఆటగాడు విరాట్ కోహ్లి క్రికెట్ మైదానంలో ఐకానిక్ ‘నాటు నాటు’ స్టెప్ వేశాడు. ఆస్ట్రేలియాతో ముంబైలో జరుగుతున్న తొలి వన్డే మ్యాచ్‌లో ఫస్ట్ స్లిప్‌లో నిలబడిన కోహ్లి.. ‘నాటు నాటు’ డాన్స్ స్టెప్ వేశాడు. ఇది కెమెరాలో రికార్డయ్యింది. ఆ క్లిప్ ఇప్పుడు సోషల్ మీడియాలో వైరల్ అవుతోంది. ఈ క్లిప్‌తో పాటు విరాట్ కోహ్లి, రోహిత్ శర్మల మొహాలతో మార్ఫింగ్ చేసిన పిక్స్ వైరల్ చేస్తున్నారు. ప్రపంచ వ్యాప్తంగా పాపులర్ అయిన డాన్స్ స్టెప్‌లను మైదానంలో క్రికెటర్లు వేడయం కొత్తేమీ కాదు. టీమిండియా మాజీ కెప్టెన్, స్టార్ ప్లేయర్ విరాట్ కోహ్లి సైతం మైదానంలో భాంగ్రా నృత్యాలు చేశాడు. అది ఇంటర్నేషనల్ మ్యాచ్ అయినా, ఐపీల్ మ్యాచ్ అయినా సమయం, సందర్భం వస్తే మైదానంలో కాలు కదిపి స్టెప్‌లు వేస్తాడు.
అయితే, ఈరోజు ముంబైలోని వాంఖడే స్టేడియం వేదికగా ఆస్ట్రేలియాతో జరుగుతున్న తొలి వన్డేలో మ్యాచ్‌లోనూ కోహ్లి కాలు కదిపాడు. ఆస్కార్ అవార్డు గెలుచుకున్న RRR సినిమాలోని ‘నాటు నాటు’ పాటలోని ఐకానిక్ మూమెంట్‌ను కోహ్లి మైదానంలో వేశాడు. ఓవర్ ముగిసిన తరవాత వచ్చిన చిన్న విరామంలో స్లిప్‌లో నిలబడిన కోహ్లి ‘నాటు నాటు’ స్టెప్ వేస్తూ ఎంజాయ్ చేశాడు. ఈ క్లిప్ ఇప్పుడు సోషల్ మీడియాలో వైరల్ అవుతోంది. అంతకు ముందు మూడు మ్యాచ్‌ల సిరీస్‌లో భాగంగా మొదలైన మొదటి మ్యాచ్‌లో టాస్ గెలిచిన టీమిండియా కెప్టెన్ హార్దిక్ పాండ్యా బౌలింగ్ ఎంచుకున్నాడు. రాత్రికి మంచు కురుస్తుందని అందుకే ఫీల్డింగ్ ఎంపిక చేసుకున్నానని హార్దిక్ పాండ్యా చెప్పాడు. ఇప్పటివరకు మొదట బ్యాటింగ్ చేసినప్పుడు ఇండియా రాణించిందని.. ఇప్పుడు టార్గెట్‌ను ఛేజింగ్ చేయడం తన జట్టుకు ఒక ఛాలెంజ్ అని అన్నాడు. అయితే, భారత బౌలర్లు అదరగొట్టడంతో ఆస్ట్రేలియా స్వల్ప లక్ష్యాన్నే నిర్ధేశించింది. 188 పరుగులకే ఆస్ట్రేలియా ఆలౌట్ అయ్యింది. ఓపెన్ మిచెల్ మార్ష్ 81 పరుగులతో అదరగొట్టినా మిగిలిన బ్యాటర్లు చేతులు ఎత్తేయడంతో 35.4 ఓవర్లలోనే 188 పరుగులకు ఆస్ట్రేలియా ఆలౌట్ అయ్యింది. భారత పేసర్లు మహమ్మద్ షమీ, సిరాజ్ అద్భుతంగా బౌలింగ్ చేశారు. వీరిద్దరూ చెరో 3 వికెట్ల చొప్పున పడగొట్టారు. ఇక జడేజా రెండు వికెట్లు.. హార్దిక్ పాండ్యా, కుల్‌దీప్ యాదవ్ చెరో వికెట్ తీశారు.
https://twitter.com/RRRMovie/status/1636687265815760896