ఓ ఇంటివాడు కాబోతున్న అఖిల్.. అమ్మాయి ఎవ‌రంటే?

అక్కినేని నాగ‌చైత‌న్య(Akkineni NagaChaitanya) పెళ్లి వచ్చే వారం అన్న‌పూర్ణ స్టూడియోస్(Annapurna Studios) లో జ‌ర‌గ‌నున్న విష‌యం తెలిసిందే. ఇలాంటి శుభ సందర్భంలో నాగార్జున(Nagarjuna) మ‌రో గుడ్ న్యూస్ ను షేర్ చేసుకున్నాడు. త‌న చిన్న కొడుకు అఖిల్(Akhil) ఓ ఇంటివాడు కాబోతున్న‌ట్లు కాబోయే కోడ‌లి ఫోటోల‌ను షేర్ చేస్తూ ఫ్యాన్స్ కు ఆమెను ప‌రిచ‌యం చేశాడు.

అఖిల్ పెళ్లాడ‌బోతున్న అమ్మాయి పేరు జైన‌బ్ ర‌వ్ జీ(Zainab ravdjee). త‌ను మీనాక్షి టేల్ ఆఫ్ 3 సిటీస్(Meenakshi tale of 3 cities) ద్వారా ఆడియ‌న్స్ కు సుపరిచితురాలు. జైన‌బ్ కు పెయింటింగ్ లో మంచి ప్రావీణ్యం ఉంది. హైద‌రాబాద్ తో పాటూ ప‌లు న‌గ‌రాల్లో త‌ను ఏర్పాటు చేసిన ఆర్ట్ ఎగ్జిబిష‌న్స్ కు భారీ రెస్పాన్స్ వ‌చ్చేది. అంతేకాదు పెయింటింగ్ లో జైన‌బ్ ప‌లు పురస్క‌రాలు కూడా అందుకుంది.

జైన‌బ్ ప్ర‌స్తుతం ముంబైలో ఉంటున్న‌ప్ప‌టికీ త‌ను పుట్టి పెరిగింది మాత్రం హైద‌రాబాద్‌లోనే. అయితే అఖిల్- జైన‌బ్ ప‌రిచయం ఎలా జ‌రిగింది, అది ప్రేమ‌గా ఎలా మారింది?  ఆ ప్రేమ పెళ్లి వ‌ర‌కు ఎలా దారి తీసింద‌నే వివరాలు మాత్రం ఇంకా బ‌య‌ట‌కు రాలేదు కానీ అఖిల్ ఎంగేజ్‌మెంట్ న్యూస్ మాత్రం అక్కినేని ఫ్యాన్స్ కు స్వీట్ స‌ర్‌ప్రైజ్ లా మారింది. ఇదిలా ఉంటే అఖిల్ త్వ‌ర‌లోనే త‌న కొత్త సినిమాను విన‌రో భాగ్య‌ము విష్ణు క‌థ(Vinaro Bhagyamu Vishnu Katha) డైరెక్ట‌ర్ ముర‌ళీ కిషోర్(Murali Kishore) తో మొద‌లుపెట్ట‌నున్నాడు.