త‌మ‌న్ తో క‌లిసి ప‌ని చేయ‌నున్న అకీరా

ప‌వ‌న్(pawan) ఫ్యాన్స్ ఎంతగానో ఎదురుచూస్తున్న విష‌యం అకీరానంద‌న్(Akira Nandan) డెబ్యూ. అయితే అకీరా డెబ్యూ కంటే ముందు అత‌ని మ్యూజిక్కే వినే అవ‌కాశాలున్న‌ట్లు తెలుస్తోంది. మ్యూజిక్ డైరెక్ట‌ర్ త‌మ‌నే(thaman) స్వ‌యంగా ఇది జరిగేలా చేయ‌నున్నాడు. అకీరా చేతి వేళ్లు చాలా పొడుగ్గా ఉంటాయ‌ని, పియానో బాగా ప్లే చేస్తాడ‌ని, రెండు నెల‌లు త‌న‌తో కలిసి వ‌ర్క్ చేసిన ఎక్స్‌పీరియ‌న్స్‌తో ఓజీ(OG) కోసం అకీరాను పిలిపించుకుంటాన‌ని చెప్పి త‌మ‌న్ రీసెంట్ గా ఓ ఇంట‌ర్య్వూలో చెప్పి అంద‌రికీ షాకిచ్చాడు.

అయితే అకీరా కేవ‌లం మ్యూజిక్ కే ప‌రిమిత‌మ‌వుతాడ‌ని కంగారు ప‌డాల్సిన ప‌న్లేదు. ఇప్ప‌టికే అకీరా నంద‌న్ యాక్టింగ్ తో పాటూ ప‌లు విభాగాల్లో ట్రైనింగ్ తీసుకుంటున్న‌ట్లు స‌మాచారం. ఇంట్రడ‌క్ష‌న్ ఎప్పుడుంటుంద‌నేది ఇంకా తెలియదు కానీ ముందైతే అకీరాను కెమెరా లుక్ కోసం రెడీ చేస్తున్నార‌ని స‌మాచారం.

ఆల్రెడీ వైజాగ్ స‌త్యానంద్(Satyanand) ద‌గ్గ‌ర యాక్టింగ్ లో ట్రైనింగ్ తీసుకుంటున్నాడ‌ని టాక్. ప‌వ‌న్ కూడా యాక్టింగ్ లో ట్రైనింగ్ తీసుకుంది స‌త్యానంద్ ద‌గ్గ‌రే. మిగిలిన విభాగాల్లో శిక్ష‌ణ కోసం వేరే వారిని చూస్తున్నార‌ట‌. దీన్ని బ‌ట్టి చూస్తుటే అకీరా మ‌రో రెండు మూడేళ్ల‌లో డెబ్యూ చేయ‌డం ఖాయ‌మ‌నిపిస్తుంది. ఇదిలా ఉంటే ఓజీ సినిమాలోనే అకీరాపై ఓ ఎపిసోడ్ ఉంటుంద‌ని, దాన్ని డైరెక్ట‌ర్ సుజీత్(Sujeeth) చాలా స‌ర్‌ప్రైజింగ్ గా షూట్ చేశాడ‌ని ప్ర‌చారం జ‌రుగుతుంది కానీ దీని గురించి ఎలాంటి అఫీషియ‌ల్ అనౌన్స్‌మెంట్ లేదు.