మెలోడీకి రెడీ అవ‌మంటున్న త‌మ‌న్
గ్లోబ‌ల్ స్టార్ రామ్ చ‌ర‌ణ్(Ram Charan), శంక‌ర్(shankar) కాంబినేష‌న్ లో తెరకెక్కిన భారీ పాన్ ఇండియా సినిమా గేమ్ ఛేంజ‌ర్(Game Changer). ఈ సినిమా మొద‌లై చాలా ఏళ్లు అయిన‌ప్ప‌టికీ కొన్ని కార‌ణాల వ‌ల్ల లేట‌వుతూ ఆఖ‌రికి జ‌న‌వ‌రి 10న రిలీజ్ కు నోచుకుంది. గేమ్ ఛేంజ‌ర్ కు త‌మ‌న్(Thaman) సంగీతం అందిస్తున్నాడు. ఇప్ప‌టికే ఎంతో మంది స్టార్ డైరెక్ట‌ర్ల‌తో ప‌ని చేసిన త‌మ‌న్ మొద‌టిసారి శంక‌ర్ తో క‌లిసి ప‌ని చేస్తున్నాడు.
త‌న కెరీర్లో ఏఆర్ రెహ‌మాన్(AR Rahman), హారిస్ జ‌య‌రాజ్(Harris Jayaraj) తో మాత్ర‌మే వ‌ర్క్ చేసిన శంక‌ర్ ఈ మ‌ధ్య మ్యూజిక్ డైరెక్ట‌ర్ల‌ను మారుస్తున్నాడు. ఇండియ‌న్2(Indian2) కు అనిరుధ్(Anirudh) తో వ‌ర్క్ చేసిన శంక‌ర్, గేమ్ ఛేంజ‌ర్ కోసం త‌మ‌న్ ను సెలెక్ట్ చేసుకున్నాడు. ఈ సినిమా నుంచి ఇప్ప‌టికే రెండు సాంగ్ రిలీజ‌వ‌గా, వాటికి ఆడియ‌న్స్ నుంచి ఓ మోస్త‌రు రెస్పాన్సే వ‌చ్చింది.
అయితే త‌మ‌న్ నుంచి మ‌రింత బెస్ట్ అనిపించే సాంగ్ ను చ‌ర‌ణ్ ఫ్యాన్స్ ఆశిస్తున్నారు. గేమ్ ఛేంజ‌ర్ నుంచి త‌ర్వాత వ‌చ్చే సాంగ్ అలాంటిదే అని త‌మ‌న్ టీమ్ చాలా కాన్ఫిడెంట్ గా ఉంది. ఈ సినిమా నుంచి వ‌చ్చే నెక్ట్స్ సాంగ్ మెలోడీ సాంగ్ అని, ఆ సాంగ్ చాలా జ్ఞాప‌కాల‌ను మిగులుస్తుంద‌ని, సాంగ్ కోసం రెడీగా ఉండ‌మ‌ని త‌మ‌న్ పోస్ట్ పెట్టాడు. మ‌రి ఈసారైనా చ‌ర‌ణ్ ఫ్యాన్స్ అంచ‌నాల‌ను త‌మ‌న్ అందుకుంటాడో లేదో చూడాలి.
