పుష్ప2 ఫస్ట్ రివ్యూ వ‌చ్చేసిందోచ్!
పుష్ప2(Pushpa2) కోసం దేశ‌మంత‌టా క‌ళ్లు కాయ‌లు కాసేలా ఎదురుచూస్తున్నారు. ఈ సినిమా రిలీజ్ కు మ‌రో వారం రోజులే ఉంది. ఎప్ప‌ట్లానే సుకుమార్(Sukumar) షూటింగ్ ఆల‌స్యం చేయ‌డంతో నిన్న‌టివ‌ర‌కు టీమ్ ఆ ప‌నిలోనే బిజీగా ఉంది. షూటింగ్ పూర్తి చేసి గుమ్మ‌డికాయ కొట్ట‌డంతో అంద‌రూ ఊపిరి పీల్చుకున్నారు.వెంట‌నే ఎడిటింగ్, మిక్సింగ్ కూడా పూర్తి చేసి ఫస్ట్ కాపీ తీసేశారు.
ఆల్రెడీ సెన్సార్ కూడా పూర్తి చేసుకుంది. సెన్సార్ కంటే ముందే టీమ్ మెంబ‌ర్స్ కోసం స్పెష‌ల్ షో వేశారు. హీరో బ‌న్నీ(Bunny), డైరెక్ట‌ర్ సుకుమార్, నిర్మాత‌ల‌తో పాటూ బ‌న్నీ తండ్రి అల్లు అరవింద్(Allu Aravind) కూడా ఈ షో కు హాజ‌ర‌య్యారు. అన్న‌పూర్ణ స్టూడియో(Annapurna Studio)లో ఉద‌యం 10.30గంట‌ల‌కు ఈ స్పెష‌ల్ షో మొద‌లై మ‌ధ్యాహ్నం 2 గంట‌ల‌కు పూర్తైంది.
సినిమా చూసిన అల్లు అరవింద్ చాలా ఇంప్రెస్ అయిన‌ట్లు తెలుస్తోంది. షో పూర్త‌య్యాక బ‌న్నీ, సుకుమార్, అల్లు అరవింద్ ప‌ర‌స్ప‌రం హ‌గ్ చేసుకున్నారు. సినిమా బ్లాక్ బ‌స్ట‌ర్ అవుతుంద‌ని, ప్ర‌తి పావు గంట‌కూ సినిమాలో హైప్ ఇచ్చే ఎపిసోడ్ ఉంటుంద‌ని అల్లు అరవింద్ చెప్పాడ‌ని స‌మాచారం. టీమ్ మొత్తం కూడా పుష్ప2 అవుట్‌పుట్ విష‌యంలో ఫుల్ హ్యాపీగా ఉన్నారు. డిసెంబర్ 5న సినిమా రిలీజ్ కానున్న నేప‌థ్యంలో ముందు రోజు రాత్రి నుంచే పెయిడ్ ప్రీమియ‌ర్లు వేయాల‌ని నిర్మాత‌లు ప్లాన్ చేస్తున్న‌ట్లు స‌మాచారం.
