పుష్ప‌2 ప్ర‌మోష‌న్స్.. మొత్తం ఆయ‌న ప్లానే

ఈ ఏడాది రానున్న మోస్ట్ అవెయిటెడ్ సినిమాల్లో అల్లు అర్జున్(Allu Arjun) హీరోగా న‌టించిన పుష్ప‌2(Pushpa2) కూడా ఒక‌టి. డిసెంబ‌ర్ 5న రిలీజ్ కానున్న ఈ సినిమాపై ఆడియ‌న్స్ లో ఎంత క్రేజ్ ఉందో మొన్న పాట్నాలో జ‌రిగిన ట్రైల‌ర్ లాంచ్(Pushpa2 Trailer Launch) ఈవెంట్ ను చూసి చెప్పేయొచ్చు. అందుకే ఈ సినిమా విష‌యంలో ప్ర‌తీదీ ప‌ర్ఫెక్ట్ గా ఉండాల‌ని సుకుమార్(Sukumar) ప్ర‌య‌త్నిస్తున్నాడు.

మొన్న పాట్నా(Patna)లో జ‌రిగిన పుష్ప‌2 ఈవెంట్ బ్లాక్ బ‌స్ట‌ర్ హిట్ కాగా, న‌వంబ‌ర్ 24న మేక‌ర్స్ చెన్నైలో మ‌రో ఈవెంట్ ను ప్లాన్ చేస్తున్నారు. అంటే ఈసారి పుష్ప2 జాత‌ర చెన్నైలో జ‌రగ‌నుంద‌న్న‌మాట‌. మ‌రోవైపు కేర‌ళ‌లోని కొచ్చిలో న‌వంబ‌ర్ 27న మ‌రో ఈవెంట్ ను నిర్వ‌హించ‌నున్నారు టీమ్. మ‌ల్లూవుడ్‌లో బ‌న్నీకి ఓ రేంజ్ లో క్రేజ్ ఉంది.

ఆ క్రేజ్ ను దృష్టిలో పెట్టుకునే పుష్ప‌2ను కొచ్చిలో భారీగా ప్ర‌మోట్ చేయాల‌ని ఫిక్స్ అయ్యారు మేక‌ర్స్. అయితే పుష్ప‌2 ప్ర‌మోష‌న‌ల్ ఈవెంట్స్ మొత్తం కూడా అల్లు అర్జున్ ప్లాన్ ప్ర‌కార‌మే జ‌రుగుతున్నాయ‌ని, వీట‌న్నింటినీ బ‌న్నీ(Bunny)నే వెనుక ఉండి ప్లాన్ చేసి న‌డిపిస్తున్నాడ‌ని ఫిల్మ్ న‌గ‌ర్ టాక్. పుష్ప‌2ను ఆడియ‌న్స్ లోకి తీసుకెళ్లే బాధ్య‌త మొత్తం బ‌న్నీనే తీసుకున్నాడ‌ట‌. ఏదేమైనా ఈ ప్లాన్ ఎవ‌రిదైనా పుష్ప‌2 హైప్ మాత్రం రోజురోజుకీ పెరిగిపోతుంది.