#VD12 అప్డేట్ అనిరుధ్ చేతుల్లోనే!

విజ‌య్ దేవ‌ర‌కొండ(Vijay Devarakonda) హీరోగా గౌత‌మ్ తిన్న‌నూరి(Gowtham Thinnanuri) ద‌ర్శ‌క‌త్వంలో సినిమా చేస్తున్న విష‌యం తెలిసిందే. విజ‌య్(Vijay) కెరీర్లో 12వ సినిమాగా రూపొందుతున్న ఈ ప్రాజెక్టును సితార ఎంటర్టైన్మెంట్స్(Sithara Entertainments) సంస్థ భారీ బ‌డ్జెట్ తో నిర్మిస్తోంది. ఈ సినిమా షూటింగ్ స్టార్ట్ అయి చాలా కాల‌మ‌వుతున్నప్ప‌టికీ ఇంత‌వ‌ర‌కు టైటిల్ ఏంట‌నేది మాత్రం మేక‌ర్స్ అనౌన్స్ చేయ‌లేదు.

దీంతో రౌడీ ఫ్యాన్స్ ఈ సినిమా అప్డేట్ కోసం వెయిట్ చేస్తున్నారు. ఈ సినిమాకు సంబంధించిన టైటిల్ ను అనౌన్స్ చేస్తూ ఓ టీజ‌ర్ ను రిలీజ్ చేయాల‌ని మేక‌ర్స్ చూస్తున్నారు. కానీ అది వారి చేతిలో లేదు. మ్యూజిక్ డైరెక్ట‌ర్ అనిరుధ్(Anirudh) ఈ సినిమా కోసం కాస్త టైమ్ ఇచ్చి బీజీఎం రెడీ చేస్తే టీజ‌ర్ తో పాటూ టైటిల్ ను రివీల్ చేయాల‌ని ద‌ర్శ‌క‌నిర్మాత‌లు చూస్తున్నారు.

అనుకున్న టైమ్ కు అనిరుధ్ టీజ‌ర్ కు బీజీఎం ఇవ్వ‌గ‌లిగితే సంక్రాంతికి రిలీజయ్యే సినిమాల‌కు టీజ‌ర్ ను ఎటాచ్ చేయాల‌ని ప్లాన్ చేస్తున్నార‌ట‌. ఐడియా అయితే బావుంది కానీ ఇది వ‌ర్క‌వుట్ అవుతుందా లేదా అనేది మాత్రం అనిరుధ్ చేతిలోనే ఉంది. నిర్మాత‌ల అభ్య‌ర్థ‌న‌ను లెక్క‌లోకి తీసుకుని అనిరుధ్ బీజీఎం ఇవ్వ‌గ‌లిగి సంక్రాంతి సినిమాల‌కు టీజ‌ర్ ను జోడిస్తే మాత్రం వీడీ12కు మంచి ప‌బ్లిసిటీ ద‌క్క‌డం ఖాయం.