4న ఏపీ మంత్రివర్గ సమావేశం

ఆంధ్రప్రదేశ్‌ ముఖ్యమంత్రి చంద్రబాబు నాయుడు అధ్యక్షతన డిసెంబరు నాలుగో తేదీన రాష్ట్ర సచివాలయంలో మంత్రివర్గ సమావేశం నిర్వహించనున్నారు. మంత్రివర్గంలో చర్చించాల్సిన ప్రతిపాదనల్ని సోమవారం సాయంత్రం నాలుగు గంటల్లోపు సాధారణ పరిపాలన శాఖకు సమర్పించాలని అన్ని శాఖల్ని ప్రభుత్వ ప్రధాన కార్యదర్శి నీరబ్‌కుమార్‌ ప్రసాద్‌ ఆదేశించారు. ఈ మేరకు అన్ని శాఖల ప్రత్యేక ప్రధాన కార్యదర్శులు, ముఖ్య కార్యదర్శులు, కార్యదర్శులకు గురువారం ఉత్తర్వులు జారీ చేశారు.