ఎవ‌రూ ఊహించ‌ని క్లైమాక్స్ తో బ‌చ్చ‌ల‌మ‌ల్లి

కామెడీ సినిమాల నుంచి చాలా గ్యాప్ తీసుకున్న త‌ర్వాత అల్ల‌రి న‌రేష్(allari naresh) మ‌ళ్లీ అదే జాన‌ర్ లో చేసిన ఆ ఒక్క‌టి అడ‌క్కు ఫ్లాప్ అవ‌డంతో న‌రేష్ మ‌ళ్లీ సీరియ‌స్ సినిమాల‌పై దృష్టి సారించాడు. సోలో బ్ర‌తుకే సో బెట‌ర్(solo Bathuke so better) ఫేమ్ సుబ్బు(Subbu) ద‌ర్శ‌క‌త్వంలో వ‌స్తున్న బ‌చ్చ‌ల‌మ‌ల్లి(Bachalamalli) అనే సినిమా ఇప్ప‌టికే ప‌లుమార్లు వాయిదా ప‌డి ఆఖ‌రికి డిసెంబ‌ర్ 20న రిలీజ్ కానున్న‌ట్లు నిన్న అనౌన్స్ చేశారు.

బ‌చ్చ‌ల‌మ‌ల్లి కోసం అల్ల‌రి న‌రేష్(Allari Naresh) చాలా మేకోవ‌ర్ అయ్యాడు. అయితే ఈ సినిమాకు క్లైమాక్స్ ఆయువుప‌ట్టుగా ఉంటుంద‌ని అంద‌రూ చెప్తున్నారు. సినిమాలో ఊహించ‌ని ముగుంపు ఉంటుంద‌ని, ఎవ‌రూ ఊహించ‌ని స్థాయిలో క్లైమాక్స్ ను డైరెక్ట‌ర్ డిజైన్ చేశాడ‌ని యూనిట్ స‌భ్యులు చెప్తున్నారు. అంతేకాదు బ‌చ్చ‌ల‌మ‌ల్లి క్యారెక్ట‌ర్ ఎప్పుడు ఎలా ప్ర‌వ‌ర్తిస్తుందో తెలియ‌కుండా చాలా కొత్త‌గా ఉంటుంద‌ని కూడా అంటున్నారు.

ఈ సినిమాలో న‌రేష్ అవార్డ్ విన్నింగ్ పెర్ఫార్మెన్స్ ఆడియ‌న్స్ ను ఆశ్చ‌ర్యానికి గురి చేస్తుంద‌ని, విశాల్ చంద్ర‌శేఖ‌ర్(Vishal Chandra sekhar) మ్యూజిక్ మెయిన్ ఎట్రాక్ష‌న్ గా నిల‌వ‌నుంద‌ని అంటున్నారు. అయితే పోటీ ప‌రంగా కూడా బ‌చ్చ‌ల‌మ‌ల్లికి తీవ్ర‌త ఎక్కువ‌గానే ఉంది. హాలీవుడ్ ముఫాసా ది ల‌యన్(mufasa the lion) అదే రోజున రిలీజవుతుంది. విడుద‌ల‌2(Vidudhala2), సారంగ‌పాణి జాత‌కం(Saranga paani jathakam) కూడా ఆ రోజునే ప్రేక్ష‌కుల ముందుకు రానున్నాయి. మ‌రో 5 రోజుల తేడాతో నితిన్(Nithin) రాబిన్ హుడ్(Robbinhood) కూడా రిలీజ్ కానుంది. మ‌రి ఇంత పోటీ మ‌ధ్య బ‌చ్చ‌మ‌ల్లి ఎలాంటి ఫ‌లితాన్ని అందుకుంటాడో చూడాలి.