బ్రిటీష్‌ రచయిత్రి సమంతా హార్వేకు.. బుకర్‌ ప్రైజ్‌

ప్రతిష్టాత్మక బుకర్‌ ప్రైజ్‌ 2024కు బ్రిటిష్‌ రచయిత్రి సమంత హార్వే ఎంపికయ్యారు. ఆమె రాసిన ఆర్బిటల్‌ నవలకు ఈ ప్రైజ్‌ వరించింది. పరిశోధనల నిమిత్తం ఒక రోజు కోసం అంతర్జాతీయ అంతరిక్ష కేంద్రం (ఐఎస్‌ఎస్‌)కు వెళ్లిన ఆరుగురు వ్యోమగాములు అక్కడ ఎదుర్కొన్న పరిస్థితులను వివరిస్తూ ఈ నవలను రాశారు. తన నవలకు బుకర్‌ ప్రైజ్‌ రావడం పట్ల రచయిత్రి సమంత హార్వే సంతోషం వ్యక్తం చేశారు. అంతరిక్ష కేంద్రంగా రాసిన నవలకు బుకర్‌ ప్రైజ్‌ అంతటి పెద్ద అవార్డు రావడం ఇదే తొలిసారి. బుకర్‌ ప్రైజ్‌ విన్నర్‌గా సమంతకు రూ.53 లక్షలు అందనున్నాయి.  2020 నుంచి బుకర్‌ ప్రైజ్‌ గెలుచుకున్న మొదటి బ్రిటిష్‌ రచయిత కావడం విశేషం.