దిల్ రాజు బ్యాన‌ర్ లో చాహ‌ల్ భార్య‌?

టీమిండియా స్పిన్న‌ర్ చాహ‌ల్(chahal) భార్య ధ‌న‌శ్రీ వ‌ర్మ(dhanasri Varma) త‌న డ్యాన్స్ వీడియోల‌త సోష‌ల్ మీడియా ద్వారా త‌న‌కంటూ మంచి గుర్తింపు తెచ్చుకుంది. యూట్యూబ్ లో ల‌క్ష‌లాది ఫ్యాన్స్ ను సంపాదించుకున్న ఆమె, ఆల్బ‌మ్ సాంగ్స్ తో పాపుల‌ర్ అయింది. అయితే త్వ‌ర‌లో ధ‌న‌శ్రీ వ‌ర్మ టాలీవుడ్ లో ఎంట్రీ ఇవ్వ‌నున్న‌ట్లు వార్త‌లొస్తున్నాయి.

దిల్ రాజు(dil raju) నిర్మిస్తున్న ఆకాశం దాటి వ‌స్తావా(Aakasam Dhaati vasthava) సినిమాలో ధ‌న‌శ్రీ హీరోయిన్ గా న‌టిస్తుంద‌ని స‌మాచారం. డ్యాన్స్ నేప‌థ్యంలో న‌డ‌వ‌నున్న ఈ సినిమాలో ఆమె న‌టిస్తున్న‌ట్లు తెలుస్తోంది. ధ‌న‌శ్రీ డ్యాన్స్ ను దృష్టిలో పెట్టుకునే ఈ సినిమాలో హీరోయిన్ గా ఆమెను ఎంపిక చేసిన‌ట్లు యూనిట్ వ‌ర్గాలు చెప్తున్నాయి. ఈ సినిమాలో ప్ర‌ముఖ కొరియోగ్రాఫ‌ర్ య‌ష్ మాస్ట‌ర్(Yash Master) హీరోగా న‌టిస్తున్నాడు.

ఇప్ప‌టికే కొంత భాగం షూటింగ్ ను ఆమె పూర్తి చేసిన‌ట్లు వార్త‌లొస్తున్నాయి. డ్యాన్స్ ప్ర‌ధానంగా ఉండే క‌థ కావడంతో అందుకు త‌గ్గ హీరోయిన్ కావాల‌ని భావించిన డైరెక్ట‌ర్ ధ‌న‌శ్రీని సంప్ర‌దించ‌గా వెంట‌నే ఆమె గ్రీన్ సిగ్న‌ల్ ఇచ్చిన‌ట్లు స‌మాచారం. గ‌త కొంతకాలంగా షూటింగ్ జ‌రుపుకుంటున్న ఈ సినిమా ఈ ఏడాది చివ‌ర‌లో లేదా వ‌చ్చే ఏడాది మొద‌ట్లో రిలీజ‌య్యే అవ‌కాశాలున్నాయి.