ప్రధాని పదవి ముళ్లకిరీటమేనా...? స్టార్మర్ ఎదుట ముళ్లబాట..?

బ్రిటన్ ప్రధానిగా ఎన్నికైన కైర్ స్టార్మర్ కు .. సవాళ్లు స్వాగతం పలుకుతున్నాయి. ముఖ్యంగా కొన్నేళ్లుగా మందగించిన ఆర్థిక వృద్ధిరేటు, యూరోప్-అమెరికాతో సంబంధాలు, దేశంలోని అంతర్గత సమస్యలు.. వీటన్నింటినీ కొత్త ప్రధాని చక్కదిద్దాల్సి ఉంది. మరీ ముఖ్యంగా టోరీల పాలనలో ఎదురైన సమస్యలను.. పరిష్కరించి .. దేశాన్ని ముందుకు తీసుకువెళ్లాల్సిన బాధ్యత స్టార్మర్్ పై ఉంది. దేశప్రజల విశ్వాసాలను నిలుపుకోవాలంటే.. నూతన ప్రధాని స్టార్మర్ కొన్ని కఠిన నిర్ణయాలు తీసుకోవాల్సిన పరిస్థితులున్నాయి.

యూరోప్‌తో సంబంధాలు

EU సింగిల్ మార్కెట్ లేదా కస్టమ్స్ యూనియన్‌లో బ్రిటన్ తిరిగి చేరడాన్ని తోసిపుచ్చారు స్టార్మర్, అయితే అధిక ఖర్చులతో ఇబ్బంది పడుతున్న చిన్న కంపెనీలకు సహాయం చేయడానికి బ్లాక్‌తో కొన్ని వాణిజ్య అడ్డంకులను తొలగించడంపై ఫోకస్ పెట్టాల్సి ఉంది. ముఖ్యంగా బ్రిటీష్ రైతులు, దిగుమతి దారులకు కొన్ని నిబంధనలు అడ్డంకులుగా ఉన్నాయని.. అంతే కాకుండా జంతు ఉత్పత్తులపై సరిహద్దు తనిఖీలను తగ్గించే ఒప్పందాన్ని తేవాలని లేబర్ పార్టీ కోరుతోంది.

ఉక్రెయిన్ కు రక్షణసాయంపై..

బ్రిటన్ ఈ సంవత్సరం ఉక్రెయిన్‌కు 3 బిలియన్ పౌండ్ల ($3.8 బిలియన్లు) విలువైన సైనిక సహాయాన్ని ఇవ్వాల్సి ఉంది. రాబోయే సంవత్సరాల్లో ఆ దేశానికి మరింతగా మద్దతు ఇవ్వాల్సి ఉందని లేబర్ పార్టీ నేతలు చెబుతున్నారు. అన్ని రంగాల్లోనూ మద్దతిస్తుందని లేబర్ పార్టీ తన మ్యానిఫెస్టోలో స్పష్టం చేసింది. ఇప్పుడా మ్యానిఫెస్టోలోని అంశాలను అమలు చేయాల్సిఉంది.

పాలస్తీనా దేశంగా...

స్టార్మర్ తాను పాలస్తీనాను స్వతంత్ర దేశంగా గుర్తించాలనుకుంటున్నానని చెప్పారు. అయితే శాంతి ప్రక్రియలో సరైన సమయంలో అలాంటి చర్య రావాలని అన్నారు.పాలస్తీనా రాజ్యాన్ని పునరుద్ధరించిన శాంతి ప్రక్రియకు సహకారమిచ్చేందుకు తాము సిద్ధంగా ఉన్నట్లు స్టార్మర్ ఇప్పటికే తెలిపారు. దీనిలో భాగంగా సురక్షితమైన ఇజ్రాయెల్, సార్వభౌమ పాలస్తీనా రాష్ట్రం ఏర్పాటు జరుగుతుందని వెల్లడించారు. ఫలితంగా ఇరుదేశాల మధ్య ఉన్న సమస్యకు తెరపడుతుందని తన మ్యానిఫెస్టోలో లేబర్ పార్టీ వెల్లడించింది.

టాటా స్టీల్ తో ఒప్పందంపై..

కొత్త ప్రభుత్వం 500 మిలియన్ పౌండ్ల ($635 మిలియన్లు) మద్దతు ప్యాకేజీపై సంతకం చేయాల్సి ఉంటుంది, తక్కువ కార్బన్ ఎలక్ట్రిక్ ఆర్క్ ఫర్నేస్‌ను నిర్మించడంలో సహాయపడటానికి గత ప్రభుత్వం టాటా స్టీల్‌తో కొత్త ఒప్పందం దిశగా అడుగులేసింది. ఇప్పుడు దాన్ని నూతనప్రభుత్వం కొనసాగించాల్సి ఉంది. బ్రిటన్‌లో అతిపెద్ద ఉక్కు ఉత్పత్తిదారు అయిన టాటా, దాని కార్బన్-ఇంటెన్సివ్ బ్లాస్ట్ ఫర్నేస్‌లలో ఒకదానిని గురువారం మూసివేయడం ప్రారంభించింది, మరొకటి సెప్టెంబర్‌లో మూసివేయనుంది. ఫలితంగా సౌత్ వేల్స్‌లోని పోర్ట్ టాల్బోట్‌లో 2,800 వరకు ఉద్యోగాలు కోల్పోయారు. కొత్తప్రభుత్వం టాటాతో చర్చలు జరిపి సమస్యను పరిష్కరించవచ్చని యూనియన్లు చెబుతున్నాయి.

జూనియర్ డాక్టర్ల సమస్యలపై..

గత 18 నెలలుగా ఇంగ్లండ్‌లో జూనియర్ డాక్టర్లు సమ్మెలు నిర్వహించారు, జూలై 2న సమ్మెలు ముగిశాయి.ముగియడం జరిగింది. సమ్మెలు బ్రిటన్ ఆరోగ్య సేవపై ఒత్తిడిని పెంచాయి, అత్యవసర చికిత్స కోసం వేచి ఉన్న వారి సంఖ్య నాలుగు సంవత్సరాల క్రితంతో పోలిస్తే గత సంవత్సరం దాదాపు 8 మిలియన్లకు రెట్టింపు అయ్యింది.