నవంబర్ 29న ‘చేతిలో చెయ్యేసి చెప్పు బావ’ రిలీజ్

దేవదాస్, జాన్ సమర్పణలో కొమరపు ప్రొడక్షన్స్ పతాకంపై ఆదిత్య ఓం, అరుణ్ రాహుల్, అంజన శ్రీనివాస్ రోహిణి ఆర్ చలపతి రాజు తదితరులు  నటించిన చిత్రం చేతిలో చెయ్యేసి చెప్పు బావా . అన్ని హంగులు పూర్తి చేసుకున్న ఈ చిత్రం  నవంబర్ 29 ప్రేక్షకుల ముందుకు రానుంది. ఈ నేపథ్యంలో చిత్ర యూనిట్ రీసెంట్ గా హైదరాబాద్ లో ప్రి రిలీజ్ ఈవెంట్ కార్యక్రమం నిర్వహించారు. ఈ కార్యక్రమంలో తెలంగాణ సినిమాటో గ్రఫి మినిస్టర్ శ్రీ కోమటిరెడ్డి వెంకటరెడ్డి, సహనిర్మాత రేగట్టే లింగారెడ్డి మరియు చిత్ర యూనిట్ పాల్గొన్నారు.

 ఈ సందర్భంగా చిత్ర నిర్మాత కే .జోసఫ్ మాట్లాడుతూ"ఇది ఒక వెరైటీ లవ్ స్టోరీ. అన్ని కమర్షియల్ హంగులతో ఈ చిత్రాన్ని తెరకెక్కించాము. బండారు దానయ్య కవి గారి అద్భుతమైన  పాటలు ఈ చిత్రానికి అదనపు ఆకర్షణ. ఒక మంచి సందేశం తో  ప్రేక్షకులు అందరూ చూసే విధంగా ఈ చిత్రాన్ని తీయడం జరిగింది. ఈ చిత్రాన్ని నవంబర్ 29 ప్రేక్షకులకు ముందుకు తీసుకురానున్నాం. ప్రేక్షకులు ఆశీర్వదిస్తారని కోరుకుంటున్నాము" అని అన్నారు.