ఆర్‌ఆర్‌ఆర్‌లా రఘురామ సంచలనాలు సృష్టించాలి : సీఎం చంద్రబాబు

ఆర్‌ఆర్‌ఆర్‌ సినిమాలో నాటు నాటు పాట ఎంత పాపులర్‌ అయ్యిందో రఘురామకృష్ణరాజు రచ్చబండ ప్రోగ్రాం రాజకీయాల్లో అంతే పాపులర్‌ అయ్యిందని ఆంధ్రప్రదేశ్‌ ముఖ్యమంత్రి చంద్రబాబు నాయుడు అన్నారు. డిప్యూటీ స్పీకర్‌గా రఘురామకృష్ణరాజు బాధ్యతలు చేపట్టిన తర్వాత అసెంబ్లీలో చంద్రబాబు మాట్లాడారు. ఈ సందర్భంగా రఘురామకు సీఎం చంద్రబాబు మనస్ఫూర్తిగా అభినందనలు తెలిపారు. తెలుగుబిడ్డగా పంచెకట్టులో వచ్చిన రఘురామ, స్పీకర్‌ స్థానానికి నిండుతనం తీసుకొచ్చారని  చంద్రబాబు కొనియాడారు. కొత్త బాథ్యతలో రఘురామను చూస్తుంటే సంతోషంగా కలుగుతోందన్నారు.