గవర్నర్‌ను కలిసిన సీఎం చంద్రబాబు దంపతులు

గవర్నర్‌ జస్టిస్‌ ఎస్‌.అబ్దుల్‌ నజీర్‌ దంపతులను ఆంధ్రప్రదేశ్‌ ముఖ్యమంత్రి చంద్రబాబు, ఆయన సతీమణి నారా భువనేశ్వరి రాజ్‌భవన్‌లో మర్యాదపూర్వకంగా కలిశారు. ఇటీవల అస్వస్థతకు గురైన గవర్నర్‌ సతీమణి సమీరా నజీర్‌ ఆరోగ్య పరిస్థితిని అడిగి తెలుసుకున్నారు. ఆమె త్వరగా కోలుకోవాలని ఆకాంక్షించారు. గవర్నర్‌ దంపతులకు సీఎం చంద్రబాబు దీపావళి శుభాకాంక్షలు తెలిపారు.