డాకు మ‌హారాజ్ ప్రీ రిలీజ్ ఈవెంట్ అక్క‌డేనా?

నంద‌మూరి బాల‌కృష్ణ‌(nandamuri balakrishna)- బాబీ కొల్లి(Bobby kolli) కాంబినేష‌న్ లో తెర‌కెక్కుతున్న డాకు మ‌హారాజ్(Daku Maharaj) సంక్రాంతి కానుక‌గా ప్రేక్ష‌కుల ముందుకు రానున్న విష‌యం తెలిసిందే. రియ‌ల్ లైఫ్ బందిపోటు దొంగ క‌థ‌తో బాబీ ఈ సినిమాను రూపొందిస్తున్నాడు. సితార ఎంట‌ర్టైన్మెంట్స్(Sithara Entertainments) బ్యాన‌ర్ లో నాగ‌వంశీ(Naga Vamsi) ఈ సినిమాను భారీ బ‌డ్జెట్ తో నిర్మిస్తున్నాడు.

ఇప్ప‌టికే రిలీజైన ఈ సినిమా టీజ‌ర్ కు ఆడియ‌న్స్ నుంచి మంచి రెస్పాన్స్ వ‌చ్చింది. ప్ర‌స్తుతం పోస్ట్ ప్రొడక్ష‌న్ వ‌ర్క్స్ జ‌రుపుకుంటున్న ఈ సినిమా ప్ర‌మోష‌న్స్ ను మేక‌ర్స్ త్వ‌ర‌లోనే స్టార్ట్ చేయ‌నున్నారు. అయితే ప్ర‌మోష‌న్స్ లో భాగంగా ప్రీ రిలీజ్ ఈవెంట్ ను ఆంధ్ర‌ప్ర‌దేశ్ రాజ‌ధాని అమ‌రావ‌తి(Amaravathi)లో చేయాల‌ని మేక‌ర్స్ ప్లాన్ చేస్తున్నార‌ట‌.

ఏపీ రాజ‌ధానిగా అమ‌రావ‌తిని డెవ‌ల‌ప్ చేసే ప్ర‌య‌త్నంలో భాగంగా బాల‌య్య(Balayya) ఈ ప్ర‌పోజ‌ల్ పెట్టిన‌ట్లు స‌మాచారం. ఈ నేప‌థ్యంలో నాగ‌వంశీ కూడా ఈ ఈవెంట్ ద్వారా అమ‌రావ‌తి బ్రాండింగ్ ప్ర‌మోష‌న్ లో భాగం కావాల‌ని చూస్తున్నట్లు తెలుస్తోంది. అక్క‌డైతే ప‌వ‌న్(pawan Kalyan), చంద్ర‌బాబు(Chandrababu)ని కూడా ఈవెంట్ కు చీఫ్ గెస్టులుగా తీసుకురావచ్చ‌నేది నాగ‌వంశీ ప్లాన్. కానీ అది కుదురుతుంద‌ని క‌చ్ఛితంగా చెప్ప‌లేం. ఒక‌వేళ అదే జ‌రిగితే డాకు మహారాజ్ కు కావాల్సినంత బ‌జ్ వ‌స్తుంది. డిసెంబ‌ర్ ఫ‌స్ట్ వీక్ నుంచి డాకు మ‌హారాజ్ కు సంబంధించిన అప్డేట్స్ వ‌రుస‌గా రానున్న‌ట్లు స‌మాచారం.