డల్లాస్‌ ను హోరెత్తించనున్న ‘డాకు మహారాజ్‌’
గాడ్‌ ఆఫ్‌ మాసెస్‌, నట సింహం నందమూరి బాలకృష్ణ కథానాయకుడిగా బాబీ కొల్లి (కేఎస్‌ రవీంద్ర) దర్శకత్వంలో వస్తున్న ‘డాకు మహారాజ్‌’ చిత్రం ఈ సంక్రాంతి కానుకగా జనవరి 12న థియేటర్లలోకి వస్తోంది. ఈ సినిమాను మేకర్స్‌ భారీ స్థాయిలో ప్రమోట్‌ చేయడానికి ప్లాన్‌ చేస్తున్నారు. ఈ క్రమంలోనే మరో అప్డేట్‌ తో బాలయ్య ఫ్యాన్స్‌ లో ఫుల్‌ జోష్‌ నింపారు. అమెరికాలో ‘డాకు మహారాజ్‌’ ఈవెంట్‌ ను గ్రాండ్‌ గా చేయనున్నట్లు మేకర్స్‌ ప్రకటించారు. డల్లాస్‌ నగరంలో ఈ ఈవెంట్‌ కు ప్లాన్‌ చేశారు. 2025 జనవరి 4న సాయంత్రం 6 గంటలకు ప్రోగ్రామ్‌ ప్రారంభం కానున్నట్లు వెల్లడిరచారు. ఈ మేరకు ఓ పోస్టర్‌ కూడా రిలీజ్‌ చేశారు. ‘డల్లాస్‌ డాకు మహారాజ్‌ జోన్‌ కాబోతుంది. హలో యుఎస్‌ఎ గాడ్‌ ఆఫ్‌ మాసెస్‌ నందమూరి బాలకృష్ణకు స్వాగతం పలుకడానికి సిద్ధంగా ఉండండి’ అంటూ క్యాప్షన్‌ రాసుకొచ్చింది. సినిమాను ఇంటర్నేషనల్‌ లెవెల్‌ లో ప్రమోట్‌ చేయడం పట్ల బాలయ్య ఫ్యాన్స్‌ తెగ సంబర పడిపోతున్నారు.
‘డాకు మహారాజ్‌’ చిత్రాన్ని శ్రీకర స్టూడియోస్‌ సమర్పణలో సితార ఎంటర్టైర్మెంట్స్‌, ఫార్చ్యూన్‌ ఫోర్‌ సినిమాస్‌ సంస్థలపై సూర్యదేవర నాగ వంశీ, త్రివిక్రమ్‌ శ్రీనివాస్‌ సతీమణి సాయి సౌజన్య సంయుక్తంగా ప్రొడ్యూస్‌ చేస్తున్నారు. ఈ చిత్రానికి ఎస్‌ఎస్‌ తమన్‌ సంగీతం అందిస్తున్నారు.
‘డాకు మహారాజ్‌’ సినిమాలో ముగ్గురు హీరోయిన్లు నటిస్తున్నారు. ఆ ముగ్గురిలో ప్రగ్యా జైస్వాల్‌ ఒకరు. ‘అఖండ’ విజయం తర్వాత నట సింహం బాలయ్యతో మరోసారి జంటగా ఆవిడ కనువిందు చేయనున్న సినిమా ఇది. మరొక కథానాయికగా నాని ‘జెర్సీ’, వెంకటేష్‌ ‘సైంధవ్‌’, విశ్వక్‌ సేన్‌ ‘మెకానిక్‌ రాకీ’ సినిమాల ఫేమ్‌ శ్రద్ధా శ్రీనాథ్‌ నటిస్తుండగా... బాలీవుడ్‌ బ్యూటీ ఊర్వశి రౌతేల స్పెషల్‌ సాంగ్‌ చేసినట్టు తెలిసింది. తెలుగు అమ్మాయి యువ కథానాయిక చాందిని చౌదరి కథలో కీలకమైన క్యారెక్టర్‌ చేస్తున్నారు. యానిమల్‌ ఫేమ్‌ బాబి డియోల్‌ విలన్‌ రోల్‌ చేస్తుండగా... మకరంద్‌ దేశ్‌ పాండే మరో కీలకమైన పాత్ర చేస్తున్నారు.
