బుజ్జి త‌ల్లితో ఇంప్రెస్ చేసిన దేవీ

అక్కినేని నాగ చైత‌న్య(Akkineni Naga Chaitanya) హీరోగా చందూ మొండేటి(Chanddoo Mondeti) ద‌ర్శ‌క‌త్వంలో భారీ బ‌డ్జెట్ తో రూపొందుతున్న సినిమా తండేల్(Thadel). సాయి ప‌ల్ల‌వి(Sai Pallavi) హీరోయిన్ గా న‌టిస్తున్న ఈ సినిమాకు రాక్ స్టార్ దేవీ శ్రీ ప్ర‌సాద్(Rockstar Devi Sri prasad) సంగీతం అందిస్తున్నాడు. తాజాగా ఈ సినిమా నుంచి ఫ‌స్ట్ సింగిల్ రిలీజ్ అయింది. బుజ్జి త‌ల్లి(Bujji Thalli) అంటూ సాగే ఈ పాట దేవీ శ్రీ ప్ర‌సాద్ లోని వింటేజ్ స్టైల్ ను బ‌య‌ట‌కు తీసుకొచ్చింద‌ని అంద‌రూ ఎంతో ఆనంద‌ప‌డుతున్నారు.

ప్రియురాలిని ప్రియుడు ఎంత‌గా ఆరాధిస్తున్నాడో లిరిక్ రైట‌ర్ శ్రీమ‌ణి(Sree Mani) వ‌ర్ణించిన తీరు ఎంతో అందంగా, హృద‌యాన్ని తాకేలా ఉంది. నీరు లేని చాప‌ల్లే, తార‌లేని నింగ‌ల్లే అని త‌న ప్రియురాలి గురించి స‌ముద్రం భాష‌లోనే త‌న ప్రేమ‌ను వ్య‌క్త‌ప‌ర‌చ‌డం, దానికి జావేద్ అలీ(Javed Ali) గొంతు ఎంతో బాగా కుదిరాయి. వాటికి తోడు లిరిక‌ల్ వీడియోలోని చైతూ, సాయి ప‌ల్ల‌వి విజువ‌ల్స్ కూడా అంతే ఆహ్లాద‌క‌రంగా ఉన్నాయి.

ఈ సాంగ్ విన్న త‌ర్వాత ఒక‌ప్పుడు వ‌ర్షం(Varsham), ఆర్య(Arya) సినిమాలో వినిపించే స్మూత్‌నెస్ దేవీ మ‌ళ్లీ ఇందులో వినిపించాడ‌నిపించింది. తండేల్ ఆల్బ‌మ్ సూప‌ర్ హిట్ అవ‌డం దేవీకి ఎంతో అవ‌స‌రం. అస‌లే పుష్ప‌2(Pushpa2) బ్యాక్ గ్రౌండ్ స్కోర్ బాధ్య‌త‌లు వేరే వారికి అప్ప‌గించ‌డం, కంగువ(Kanguva)కు నెగిటివ్ ఫీడ్ బ్యాక్ రావ‌డం దేవీ ఫ్యాన్స్ ను నిరాశకు గురిచేసింది. త‌న స్టామినాను చాటుకోవ‌డానికి దేవీకి ప్ర‌స్తుత‌మున్న ఒకే ఒక్క ఆప్ష‌న్ తండేల్. బుజ్జిత‌ల్లి సాంగ్ విన్నాక దేవీ ఫ్యాన్స్ తో పాటూ మ్యూజిక్ ల‌వ‌ర్స్ అంద‌రికీ దేవీపై మంచి న‌మ్మ‌కం ఏర్ప‌డింది. గీతా ఆర్ట్స్2(Geetha Arts2) బ్యాన‌ర్ రూపొందిస్తున్న ఈ సినిమా ఫిబ్ర‌వ‌రిలో రిలీజ్ కానుంది.