ఆయ‌నపై ధ‌నుష్‌కు అంత న‌మ్మ‌క‌మేంటో..

రీసెంట్ గా స్వీయ ద‌ర్శ‌క‌త్వంలో రాయ‌న్(Raayan) సినిమాతో మంచి హిట్ అందుకున్న ధ‌నుష్(Dhanush) వ‌చ్చే ఏడాది నిత్య మీనన్(Nithya Menon) తో క‌లిసి ఇడ్లీ క‌డాయ్(Idli Kadaai) అనే సినిమాతో ప్రేక్ష‌కుల ముందుకు రానున్నాడు. ఇదంతా ప‌క్క‌న పెడితే బాలీవుడ్ డైరెక్ట‌ర్ ఆనంద్ ఎల్ రాయ్(Anand L Roi) కు ధ‌నుష్ మ‌రోసారి ఛాన్స్ ఇచ్చాడు. వ‌రుస ఫ్లాపుల్లో ఉన్న ఆనంద్ కు ధ‌నుష్ ఛాన్స్ ఇవ్వ‌డం అంద‌రినీ ఆశ్చ‌ర్య‌ప‌రుస్తుంది.

అక్ష‌య్ కుమార్(Akshay Kumar) తో ఆనంద్ చేసిన గ‌త సినిమా ర‌క్షా బంధ‌న్(Raksha Bandan) డిజాస్ట‌ర్ అయింది. దానికి ముందు చేసిన అత్ రంగీరే(Ath Rangeere) సినిమా కూడా ఓటీటీలో యావ‌రేజ్ అనిపించుకుంది. అయితే ధ‌నుష్ అత‌నికి ఓకే చెప్ప‌డానికి కార‌ణం లేక‌పోలేదు. త‌న‌కు రంఝానా(Ranjaana) లాంటి బ్లాక్ బ‌స్ట‌ర్ బాలీవుడ్ డెబ్యూ ఇచ్చినందుకు కృత‌జ్ఞ‌త‌గా ధ‌నుష్ ఆయ‌న‌కు ఈ అవ‌కాశం ఇచ్చాడ‌ని అంద‌రూ అభిప్రాయ‌ప‌డుతున్నారు.

త‌ను వెడ్స్ మ‌ను(Thanu Weds Manu) లాంటి క్లాసిక్ తీసిన ఆనంద్ నుంచి మ‌ళ్లీ ఆ రేంజ్ సినిమా రాలేదు. గ‌త కొంత కాలంగా ఆయ‌న అస‌లు ఫామ్ లో లేడు. ఇక ఈ సినిమా విష‌యానికొస్తే ధ‌నుష్ కు జోడీగా కృతి స‌న‌న్(Krithi Sanon) ఫిక్స్ అయింద‌ని, ఈ సినిమాకు తేరి ఇష్క్ మే(Teri Ishq Mein) అనే టైటిల్ ను అనుకుంటున్నార‌ని, దీనికి ఏఆర్ రెహ‌మాన్(AR Rahman) సంగీతం అందించ‌నున్నాడ‌ని టాక్.