టాలీవుడ్ ఎంట్రీ ఇవ్వ‌నున్న ధృవ్ విక్ర‌మ్

టాలీవుడ్ లో చియాన్ విక్ర‌మ్‌(Vikram)కు ఉన్న ఫాలోయింగ్ అంద‌రికీ తెలిసిందే. అప‌రిచితుడు(Aparichithudu) సినిమా త‌ర్వాత తెలుగులో మంచి మార్కెట్ సంపాదించుకున్న విక్ర‌మ్ ఆ త‌ర్వాత వ‌రుస ఫ్లాపుల వ‌ల్ల దాన్ని నిల‌బెట్టుకోలేక‌పోయాడు. ఫ్లాపుల్లో ఉన్న‌ప్ప‌టికీ విక్ర‌మ్ క‌ష్టానికి ఎంతోమంది ఫిదా అవుతుంటారు. తంగ‌లాన్ సినిమా ఫ్లాప్ అయినా మొద‌టి నాలుగు రోజులు డీసెంట్ క‌లెక్ష‌న్స్ ద‌క్కించుకుందంటే దానికి కార‌ణం విక్ర‌మే.

అలాంటి విక్ర‌మ్ కొడుకు ధృవ్(Dhruv) ఇప్పుడు టాలీవుడ్ లోకి ఎంట్రీ ఇవ్వ‌డానికి రంగం సిద్ధ‌మ‌వుతుంద‌ని తెలుస్తోంది. మొద‌ట్లో అజ‌య్ భూప‌తి(Ajay Bhupathi) ద‌ర్శ‌క‌త్వంలో ఓ ప్రాజెక్ట్ సెట్ అయింద‌న్నారు కానీ ఎందుకో ఆ సినిమా ఆగిపోయి, ఇప్పుడా స్థానంలోకి కొత్త ద‌ర్శ‌కుడు దీప‌క్(Deepak) వ‌చ్చిన‌ట్లు స‌మాచారం. మ‌న‌సాయ‌న‌మః(Manasayanamaha) షార్ట్ ఫిల్మ్ తో విమ‌ర్శ‌కుల ప్ర‌శంస‌లందుకున్న దీప‌క్ తో సినిమా చేయడానికి ధృవ్ గ్రీన్ సిగ్న‌ల్ ఇచ్చిన‌ట్లు తెలుస్తోంది.

ఇంకా అఫీషియ‌ల్ అనౌన్స్‌మెంట్ రాలేదు కానీ ఇప్ప‌టికే డీల్ అయింద‌ని స‌మాచారం. తెల‌గు, త‌మిళ భాష‌ల్లో స‌మాంత‌రంగా ఈ సినిమా తెర‌కెక్కనుంది. ప‌క్క భాష‌ల హీరోలు టాలీవుడ్ పై క‌న్నేస్తున్న కాలంలో ధృవ్ తెలివిగా చాలా ముందుగానే ఇక్క‌డ ఎంట్రీ ఇస్తున్నాడు. మ‌హాన్(Mahaan) లో తండ్రితో క‌లిసి న‌టించి మెప్పించిన ధృవ్ ప్ర‌స్తుతం బైస‌న్(bysan) అనే పాన్ ఇండియా సినిమాలో న‌టిస్తున్నాడు.