రామ్ కోసం పెద్ద స్టార్‌ను వెతుకుతున్న డైరెక్ట‌ర్

డ‌బుల్ ఇస్మార్ట్(Double Ismart) సినిమాతో ఘోర‌మైన డిజాస్ట‌ర్ అందుకున్న రామ్ పోతినేని(Ram Pothineni) ఆ షాక్ నుంచి తేరుకుని త‌ర్వాతి సినిమాను అనౌన్స్ చేయ‌డానికి చాలా కాల‌మే ప‌ట్టింది. ఎట్ట‌కేల‌కు రామ్(Ram) త‌న 22వ సినిమాను మిస్ శెట్టి మిస్ట‌ర్ పోలిశెట్టి(Miss Shetty Mr Polishetty) డైరెక్ట‌ర్ మ‌హేష్ బాబు(Mahesh Babu) తో ఫిక్స్ చేసుకున్నాడు. ఇవాళే దానికి సంబంధించిన పూజా కార్య‌క్ర‌మాలు గ్రాండ్ గా జ‌రిగాయి.

టాలీవుడ్ అగ్ర నిర్మాణ సంస్థ మైత్రీ మూవీ మేక‌ర్స్(Mythri Movie Makers) ఈ సినిమాను నిర్మించ‌నుంది. మిస్ట‌ర్ బ‌చ్చ‌న్(Mr Bachan) ఫేమ్ భాగ్య శ్రీ బోర్సే(Bhagya Sri Borse) హీరోయిన్ గా న‌టిస్తున్న ఈ సినిమా అన్ని వ‌ర్గాల ప్రేక్ష‌కులను టార్గెట్ చేసేలా ఓ విభిన్న‌మైన క‌థతో తెర‌కెక్క‌నుంది. అయితే ఈ సినిమాలో రామ్ ఒక్క‌డే హీరో కాద‌ట‌. ఇందులో మ‌రో ముఖ్య‌మైన క్యారెక్ట‌ర్ కూడా ఉంటుంద‌ట‌.

ర‌న్ టైమ్ ప‌రంగా ఆ పాత్ర కాస్త త‌గ్గినా క‌థా ప్రాధాన్య‌త ప్ర‌కారం పోల్చుకుంటే రామ్ తో ఈక్వ‌ల్ గా ఆ పాత్ర ఉంటుందంటున్నారు. ఆ పాత్ర కోసం డైరెక్ట‌ర్ పెద్ద స్టార్ల వైపే చూస్తున్నాడు. ముందు క‌మ‌ల్ హాస‌న్(Kamal Hassan) అనుకున్నారు కానీ ఆయ‌న డేట్స్ దొరికేలా లేక‌పోవ‌డంతో ర‌జినీకాంత్(rajinikanth) అనుకున్నారు కానీ ఆయ‌న చేసే ఛాన్స్ చాలా త‌క్కువ‌. వీరంద‌రికంటే బెస్ట్ ఆప్ష‌న్ బాల‌కృష్ణ‌(Bala Krishna). అందుకే మైత్రీ టీమ్ బాల‌య్య (Balayya)ను ఆ పాత్ర కోసం అడిగే ఆలోచ‌న‌లో ఉన్నార‌ట‌. మొత్తానికి ఆ పాత్ర కోసం వేట మాత్రం చాలా తీవ్రంగా జ‌రుగుతుంది. వ‌రుస ఫ్లాపుల‌తో ఇబ్బంది ప‌డుతున్న రామ్ కు ఇప్పుడు వెంట‌నే హిట్ ప‌డాలి. మ‌రి ఈ సినిమా అయినా రామ్ కు కోరుకున్న ఫలితాన్నిస్తుందేమో చూడాలి. వ‌చ్చే ఏడాది స‌మ్మ‌ర్ రిలీజ్ టార్గెట్ గా సినిమాను పూర్తి చేయ‌నున్నారు.