రాహుల్ గాంధీ హెలికాప్టర్‌లో ఈసీ తనిఖీలు

మహారాష్ట్ర ఎన్నికల నేపథ్యంలో ఎన్నికల సంఘం తనిఖీలు ముమ్మరంగా చేస్తోంది. తాజాగా కేంద్ర హోంమంత్రి అమిత్ షా హెలికాప్టర్‌లో సోదాలు చేసిన ఈసీ... శనివారం నాడు కాంగ్రెస్ నేత రాహుల్ గాంధీ హెలికాప్టర్‌లో కూడా తనిఖీలు చేపట్టింది. మహారాష్ట్రలోని అమరావతి ప్రాంతంలో ఎన్నికల ప్రచారం చేసేందుకు రాహుల్ గాంధీ వచ్చారు. ఈ సమయంలో ఎన్నికల అధికారుల బృందం.. ఆయన హెలికాప్టర్ వద్దకు వెళ్లి నిబంధనల ప్రకారం తనిఖీలు నిర్వహించింది. రాహుల్ తన బాడీగార్డులతో కలిసి అక్కడ్నించి దూరంగా వెళ్లి పార్టీ నేతలతో మాట్లాడుతూ కనిపించారు. అనంతరం రాహుల్ తన ప్రచార కార్యక్రమాలు కొనసాగించారు.