అజిత్ త‌ప్పుకోవ‌డం చ‌ర‌ణ్ కు భ‌లే ఉపయోగ‌ప‌డిందిగా!

అజిత్(Ajith) హీరోగా న‌టిస్తున్న గుడ్ బ్యాడ్ అగ్లీ(Good Bad Ugly) సినిమా దాదాపు 2025 సంక్రాంతి రేసు నుంచి త‌ప్పుకున్న‌ట్లే. పుష్ప‌2(Pushpa2) చెన్నై ఈవెంట్ లో యాంక‌ర్ అడిగిన ప్ర‌శ్న‌కు స‌మాధానంగా నిర్మాత న‌వీన్ యేర్నేని(Naveen Yerneni) సంక్రాంతి రిలీజ్ అనుకున్న‌ది నిజ‌మే కానీ ఇంకా దానికి సంబంధించిన షూటింగ్ మ‌రో ఏడు రోజులు పెండింగ్ ఉంద‌ని చెప్పాడు.

బెస్ట్ అవుట్‌పుట్ ఇవ్వాల‌నే కార‌ణంతో టీమ్ ప‌ని చేస్తుంద‌ని క‌చ్ఛితంగా పండ‌క్కి రిలీజ్ చేస్తామ‌ని గ్యారెంటీ ఇవ్వ‌లేమ‌న్న‌ట్లు చెప్ప‌డంతో అజిత్ సినిమా వాయిదా దాదాపు ఖరారైపోయింది. మ‌రికొన్నాళ్ల‌లో అనౌన్స్ చేస్తామ‌న్నారు కానీ ఎప్పుడ‌న్న‌ది మాత్రం చెప్ప‌లేదు. అయితే ఈ సినిమా వాయిదా ప‌డ‌టం వ‌ల్ల గేమ్ ఛేంజ‌ర్(Game Changer) కు చాలానే లాభ‌ముంది.

ఎందుకంటే గేమ్ ఛేంజ‌ర్ త‌మిళ వెర్ష‌న్ ను చ‌ర‌ణ్(Charan) ఇమేజ్ తో పాటూ శంక‌ర్(Shankar) బ్రాండింగ్ పై ప్ర‌మోట్ చేస్తున్నారు. కాబ‌ట్టి అజిత్ రేసులో ఉంటే థియేట‌ర్ల స‌మ‌స్య క‌చ్ఛితంగా ఉంటుంది. ఇప్పుడు అజిత్ పోటీలో లేడు కాబ‌ట్టి గేమ్ ఛేంజ‌ర్ కు థియేట‌ర్ల స‌మ‌స్య ఉండ‌దు. పైగా బిజినెస్ కూడా బాగా జ‌రుగుతుంది.