అప్పుడే ఓటీటీ లోకి గోపీచంద్ కొత్త సినిమా..ఎక్కడో తెలుసా?
మాచో స్టార్ గోపీచంద్ (Gopichand), వైవిధ్యమైన డైరెక్టర్ శ్రీను వైట్ల (Srinu vaitla) కాంబినేషన్లో వచ్చిన లేటెస్ట్ చిత్రం విశ్వం. అక్టోబర్ 11న ప్రేక్షకుల మధ్యకు భారీ అంచనాలతో వచ్చిన ఈ మూవీ థియేటర్లలో అనుకున్న ఫలితాన్ని అందుకోలేకపోయింది. ఈ చిత్రానికి సంబంధించిన టీజర్, ట్రైలర్, ప్రచార చిత్రాలు అన్నిటికీ పాజిటివ్ రెస్పాన్స్ వచ్చినప్పటికీ.. బాక్సాఫీస్ వద్ద మాత్రం చిత్రం అనుకున్న రీతిలో పర్ఫార్మ్ చేయలేకపోయింది. దీంతో విడుదలై మూడు వారాలు కూడా గడవకముందే చప్పుడు కాకుండా ఈ చిత్రం అప్పుడే ఓటీటీ (Vishwam Movie OTT) లోకి వచ్చేసింది. ఇంతకీ ఈ మూవీ ఏ ఆన్లైన్ ప్లాట్ ఫామ్ వచ్చిందో తెలుసా?
కావ్య థాపర్ హీరోయిన్గా నటించిన ఈ చిత్రాన్ని చిత్రాలయ స్టూడియో, పీపుల్ మీడియా ఫ్యాక్టరీ సంయుక్తంగా నిర్మించారు. ఈ చిత్రం ఎవరు ఊహించని విధంగా దీపావళి కానుకగా సడన్గా నవంబర్ 1న అమెజాన్ ప్రైమ్ ఓటీటీ లోకి వచ్చేసింది. అయితే ప్రస్తుతం ఈ చిత్రం కేవలం తెలుగులో మాత్రమే స్ట్రీమింగ్ అవుతోంది. కొంతకాలం గ్యాప్ తర్వాత శ్రీను వైట్ల నుంచి సినిమా వస్తుంది అనగానే దానిపై భారీ అంచనాలు నెలకొన్నాయి.
పైగా మూవీ చేస్తోంది గోపీచంద్ తో కావడంతో ఈ చిత్రం మొదటి నుంచి ప్రేక్షకులలో ఆసక్తి రేపుతూ వచ్చింది. నేను వైట్ల మార్క్ ఎంటర్టైన్మెంట్.. గోపీచంద్ మార్క్ యాక్షన్ రెండూ కలిస్తే సినిమా ఎలా ఉంటుందో చూడాలి అని అందరూ ఆశించారు. అయితే సినిమా స్టోరీ చాలా రొటీన్ గా ఉన్నప్పటికీ కామెడీ, యాక్షన్ ఎలిమెంట్స్ బాగున్నాయి అన్న టాక్ వచ్చింది. కానీ కమర్షియల్ గా మాత్రం ఈ చిత్రం సక్సెస్ సాధించలేకపోయింది.
సుమారు రూ. 35 కోట్ల బడ్జెట్తో తెరకెక్కిన ఈ మూవీ 20 రోజుల్లో వరల్డ్ వైడ్గా రూ.17 కోట్ల గ్రాస్ కలెక్షన్స్ మాత్రమే రాబట్టింది. దీపావళి పండుగ కానుకగా ఇప్పుడు ఈ మూవీ అమెజాన్ ప్రైమ్ ఓటీటీలో స్ట్రీమింగ్ అవుతోంది. థియేటర్లలో మిస్ అయిన వారు ఈ మూవీని ఇంటి నుంచే ఎంజాయ్ చేయండి.
