కంగువపై పెరుగుతున్న అంచ‌నాల భారం
సూర్య(Suriya) హీరోగా శిరుత్తై శివ(Siruthai Siva) ద‌ర్శ‌క‌త్వంలో తెర‌కెక్కిన కంగువ(Kanguva) సినిమా మ‌రో వారం రోజుల్లో రిలీజ్ కానుంది. సూర్య సినిమా అంటే మామూలుగానే అంచ‌నాలు ఎక్కువ‌గా ఉంటాయి కానీ ఈ సినిమా కోలీవుడ్ లోనే అత్యంత కాస్టీయెస్ట్ పాన్ ఇండియా సినిమాల్లో ఒక‌టి కావ‌డంతో ఈసారి హైప్ భారీగా ఉంది. కంగువ సినిమాపై చిత్ర యూనిట్ చాలా కాన్ఫిడెంట్ గా ఉంది.
త‌మిళంతో పాటూ తెలుగులో కూడా క‌లెక్ష‌న్ల వ‌ర్షం కుర‌వ‌డం ఖాయ‌మ‌ని ధీమాగా ఉన్నారు. ఆ న‌మ్మ‌కంతోనే వేకువ‌ఝామున 4 గంట‌ల నుంచే ప్రీమియ‌ర్స్ తో పాటూ టికెట్ రేట్ల పెంపు కోసం అప్లికేష‌న్ పెడుతున్నారు. తమిళ‌నాడు కంటే తెలుగు రాష్ట్రాల్లోనే ముందుగా బెనిఫిట్ షోలు ప‌డ‌నున్నాయి కాబ‌ట్టి కంగువ సినిమాకు టాక్ చాలా కీల‌కం కానుంది.
దీంతో కంగువ మెడపై అంచ‌నాల బ‌రువు చాలా భారంగా ఉంది. దానికి తోడు సింగిల్ రిలీజ్ కాదు. తెలుగులో వ‌రుణ్ తేజ్(Varun Tej) మట్కా(Matka), గ‌ల్లా అశోక్(Galla Ashok) దేవ‌కీనంద‌న వాసుదేవ(Devaki Nandana Vasudeva) సినిమాలు కూడా అదే రోజున రిలీజ‌వుతున్నాయి. మ‌రోవైపు బాలీవుడ్ లో స‌బ‌ర్మ‌తీ రిపోర్ట్(Sabarmathi Report) సినిమాపై కూడా మంచి బ‌జ్ ఉంది. ఈ నేప‌థ్యంలో కంగువ సినిమాకు బ్లాక్ బ‌స్ట‌ర్ టాక్ వ‌స్తే త‌ప్పించి ప‌ని జ‌ర‌గ‌దు. సినిమాలో దేవీ శ్రీ ప్రసాద్(Devi Sri Prasad) సంగీతం, అట‌వీ నేప‌థ్యం ఎవ‌రూ ఊహించ‌ని రీతిలో ఉంటాయ‌ని టాక్. మ‌రి ఆడియ‌న్స్ అంచ‌నాల‌ను కంగువ ఏ మేర‌కు అందుకుంటుందో చూడాలి.
