పుష్ప‌2 ర‌న్ టైమ్ గురించి ఇంట్రెస్టింగ్ న్యూస్

ఐకాన్ స్టార్ అల్లు అర్జున్(Allu arjun) హీరోగా సుకుమార్(sukumar) ద‌ర్శ‌క‌త్వంలో తెర‌కెక్కుతున్న పుష్ప‌2(pushpa2) రిలీజ్‌కు మ‌రో మూడు వారాలు మాత్ర‌మే టైముంది. రిలీజ్ ద‌గ్గ‌ర ప‌డుతున్న కొద్దీ ఈ సినిమాపై అంద‌రికీ ఎగ్జైట్‌మెంట్ పెరిగిపోతుంది. చిత్ర యూనిట్ కూడా ఎప్ప‌టిక‌ప్పుడు అప్డేట్స్ ఇస్తూ ఆస‌క్తి పెంచుతుంది. ఈ నెల 17న పాట్నాలో ట్రైల‌ర్ ను రిలీజ్ చేయ‌నున్న‌ట్లు ఇప్ప‌టికే మేక‌ర్స్ అనౌన్స్ చేశారు.

ఓ వైపు చివ‌రి ద‌శ షూటింగ్ ను పూర్తి చేస్తూనే మ‌రోవైపు పోస్ట్ ప్రొడ‌క్ష‌న్ వ‌ర్క్స్ ను పూర్తి చేస్తున్నాడు సుకుమార్. ఇదిలా ఉంటే పుష్ప‌2 ర‌న్ టైమ్ గురించి చిత్ర యూనిట్ నుంచి వినిపిస్తున్న స‌మాచారం అంద‌రినీ ఆశ్చ‌ర్య‌ప‌రుస్తోంది. ఇప్ప‌టికే పుష్ప‌2 ఎడిటింగ్ పూర్తి చేసిన కాపీ ర‌న్ టైమ్ మూడు గంట‌ల ప‌దిహేను నిమిషాల వ‌ర‌కు వ‌చ్చిందట‌.

దానికి మ‌రో రెండు పాట‌లు, కొంత ప్యాచ్ వ‌ర్క్ కూడా యాడ్ చేయాల్సి ఉంద‌ని మొత్తం మూడున్న‌ర గంట‌ల వ‌ర‌కు ర‌న్ టైమ్ రావ‌చ్చ‌ని స‌మాచారం. సుకుమార్ సినిమా అంటే మినిమం మూడు గంట‌ల ర‌న్ టైమ్ కామ‌నైపోయింది. ఇప్పుడు పుష్ప‌2ను కూడా ముడు గంట‌ల‌కు అటూ ఇటుగానే రిలీజ్ చేస్తార‌ని, మొత్తం అవుట్‌పుట్ రెడీ అయ్యాక మ‌రోసారి ఎడిటింగ్ చేసి 20 నిమిషాల వ‌ర‌కు ఎడిట్ చేసే అవ‌కాశాలున్న‌ట్లు స‌మాచారం. ఏదేమ‌నా పుష్ప‌2 మూడు గంట‌ల‌కు పైగానే ర‌న్ టైమ్ తో రిలీజ్ అవ‌డం ఖాయం.