జైల‌ర్2 కు స‌ర్వం సిద్ధం

ఎన్నో ఏళ్లుగా హిట్ కోసం ఎదురుచూస్తున్న ర‌జినీ(Rajinikanth) ఫ్యాన్స్ కోరికను తీరుస్తూ జైలర్(Jailer) ఆ ఆక‌లిని తీర్చింది. జైల‌ర్ సినిమా ఇచ్చిన కిక్ అంతా ఇంతా కాదు. ర‌జినీ మ్యాన‌రిజం, అనిరుధ్(Anirudh) మ్యూజిక్, స్టార్ల క్యామియోలు ఈ సినిమాకు రిపీట్ ఆడియ‌న్స్ ను తీసుకొచ్చాయి. జైల‌ర్ త‌ర్వాత ర‌జినీ లాల్ స‌లామ్(Lal Salaam) సినిమా చేసినా ఆ సినిమా డిజాస్ట‌ర్ అయింది.

ఇక రీసెంట్ గా వేట్ట‌యాన్(Vettayan) తో ఆడియ‌న్స్ ను ప‌ల‌క‌రించిన ర‌జినీ, ప్ర‌స్తుతం లోకేష్ క‌న‌గ‌రాజ్(Lokesh Kanagaraj) ద‌ర్శ‌క‌త్వంలో కూలీ(Coolie) సినిమా చేస్తున్నాడు. ఇదిలా ఉంటే ఇప్పుడు ఫ్యాన్స్ కు ఫుల్ జోష్ ఇచ్చే మ‌రో న్యూస్ వినిపిస్తోంది. జైల‌ర్2(jailer2) కోసం రంగం సిద్ధ‌మ‌వుతుంద‌ని కోలీవుడ్ మీడియా వ‌ర్గాలంటున్నాయి. దానికి సంబంధించిన వీడియో ప్రోమోని డిసెంబ‌ర్ 2న షూట్ చేసి ర‌జినీ బ‌ర్త్ డే సంద‌ర్భంగా డిసెంబ‌ర్ 12న అనౌన్స్ చేయాల‌ని మేక‌ర్స్ ప్లాన్ చేస్తున్నార‌ని స‌మాచారం.

ఇప్ప‌టికే డైరెక్ట‌ర్ నెల్స‌న్ దిలీప్ కుమార్(Nelson dileep kumar) జైల‌ర్ 2 స్క్రిప్ట్ ను పూర్తి చేశాడ‌ట‌. ఇందులో ధ‌నుష్(Dhanush) కూడా న‌టిస్తాడ‌ని ప్ర‌చారం జ‌రుగుతుంది కానీ ర‌జినీ కూతురు ఐశ్వ‌ర్య‌(Aishwarya)తో విడాకులైన నేప‌థ్యంలో ర‌జినీ దానికి ఒప్పుకుంటాడా లేదా అన్న‌ది తెలియాల్సి ఉంది. జైల‌ర్ లాగే ఈ సినిమాను కూడా ఫాస్ట్ గా కంప్లీట్ చేసి రిలీజ్ చేయాల‌ని చూస్తున్నారు. మొత్తానికి అనౌన్స్మెంట్ కు ముందే జైల‌ర్2 పై అంద‌రిలో ఆస‌క్తి పెంచుతుంది.