వారిని ఉత్తర కొరియాకు పంపాలి : జాజుల

కులగణనపై కొందరు రాజకీయ నేతలు చేస్తున్న కుట్రలను తిప్పికొట్టాలని, సర్వేకు సహకరించని వారి భారతదేశ పౌరసత్వాన్ని రద్దు చేసి ఉత్తరకొరియాకు పంపాలని బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌ గౌడ్‌ అన్నారు. కులగణనపై మెదక్‌లో ఏర్పాటు చేసిన రౌండ్‌టేబుల్‌ సమావేశానికి ముఖ్య అతిథిగా హాజరై ఆయన మాట్లాడారు. 78 ఏళ్లుగా బీసీలు తమ లెక్కా పత్రాలు తేల్చాలని పోరాడుతున్నారని, ఇప్పుడు  ఆ అవకాశం వచ్చిందని చెప్పారు. సర్వే సందర్భంగా బీసీలంతా తమ కులం పక్కాగా చెప్పాలని, మిగితా 55 ప్రశ్నలకు ఏం చెప్పినా వచ్చే ఇబ్బందులు ఉండవని ఆయన స్పష్టం చేశారు.