పుష్ప2 వ‌చ్చేలోపు కంగువ దున్నేయాల్సిందే!
సూర్య(Suriya) హీరోగా శిరుత్తై శివ(Siruthai Siva) ద‌ర్శ‌క‌త్వంలో వ‌స్తోన్న భారీ పాన్ ఇండియా సినిమా కంగువ(Kanguva). న‌వంబ‌ర్ 14న ఈ సినిమా ప్రేక్ష‌కుల ముందుకు రానుంది. తెలుగు రాష్ట్రాల్లో సైతం ఈ సినిమాకు వేకువ‌ఝామున 4 గంట‌ల‌కే ప్రీమియ‌ర్లు వేస్తున్నారంటే సినిమాపై హైప్ ఏ రేంజ్ లో ఉందో అర్థం చేసుకోవచ్చు. ఈ సినిమా ఏకంగా రూ.2000 కోట్లు మార్క్ అందుకుంటుంద‌ని నిర్మాత జ్ఞాన‌వేల్ రాజా(Gnanavel Raja) స్టేట్‌మెంట్ ఇచ్చాడు.
ఇప్ప‌టికే ఓ రౌండ్ ప్ర‌మోష‌న్స్ పూర్తి చేసిన సూర్య ఇప్పుడు సెకండ్ రౌండ్ కు రెడీ అవుతున్నాడు. అయితే ఈ సినిమా టాక్ ఎలా ఉన్నా స‌రే కంగువ 20 రోజుల్లోనే మొత్తం క‌లెక్ష‌న్ల‌ను రాబ‌ట్టుకోవాల్సి ఉంటుంది. దానికి కార‌ణం డిసెంబ‌ర్ 5న పుష్ప2 రిలీజ్ కానుంది. పుష్ప2(Pushpa2)కు ఎంత క్రేజ్ ఉందో ప్ర‌త్యేకంగా చెప్ప‌న‌క్క‌ర్లేదు.
దేశ‌వ్య‌ప్తంగా ఈ సినిమాకు క‌నీవినీ ఎరుగ‌ని రిలీజ్ ను డిస్ట్రిబ్యూట‌ర్లు ప్లాన్ చేస్తున్నారు. కేర‌ళ, క‌ర్ణాట‌క‌లో దిమ్మ‌తిరిగే ఓపెనింగ్స్ రానున్నాయి. సో కంగువ సినిమా ఎంత బాగున్నా స‌రే మూడో వారంలోకి ఎంట‌ర‌య్యే నాటికి ఫైన‌ల్ ర‌న్ కు ద‌గ్గ‌ర‌వాల్సి ఉంటుంది. ఎన్ని రికార్డులు సృష్టించినా ఈలోపే చేయ‌గ‌ల‌గాలి. రెండు భాగాలుగా రానున్న సినిమాలో హీరోయిన్ గా దిశా ప‌టానీ(Disha Patani) న‌టించగా, బాబీ డియోల్(Bobby Deol) విల‌న్ గా న‌టించాడు.
